សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ទំនងជាស្រវឹងស្រាបើករថយន្តតបុកបង្គោលភ្លើងបំភ្លឺផ្លូវនៅកណ្តាលទ្រូវផ្លូរួចជាប់ទៅមុខលែងរួច តែមិនមានអ្នករងរបួស
ហេតុការណ៍នេះ កើតឡើងកាលពីម៉ោង ៣ ទៀបភ្លឺ ថ្ងៃទី ២៣ ខែវិច្ឆិកា ឆ្នាំ ២០១៩ នៅតាមបណ្ដោយផ្លូវលេខ២៧៣ កែងផ្លូវលេខ៥១៦ ក្នុងសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តតូយ៉ូតាកាមរីហាយប្រ៊ីដមួយគ្រឿង ពណ៌ស ពាក់ស្លាកលេខ ភ្នំពេញ 2AA-2345 បើកបរដោយបុរសម្នាក់ ធ្វើដំណើរតាមបណ្ដោយផ្លូវលេខ២៧៣ក្នុងទិសដៅពីជើងទៅត្បូងយ៉ាងលឿន ខណៈដល់ចំណុចកើតហេតុម្ចាស់បានរេចង្កូតមកជ្រុលទៅបុកបង្គោលភ្លើងបំភ្លឺផ្លូវពេញទំហឹងបណ្ដាលឲ្យរថយន្តរួញទៅមុខលែងរួច ចំណែកម្ចាស់រថយន្តគេចខ្លួនបាត់។
បន្ទាប់ពីកើតហេតុ សមត្ថកិច្ចមូលដ្ឋានបានចុះដល់កន្លែងកើតហេតុបានទំនាក់ទំនង ទៅខាងជំនាញចរាចរផ្លូវគោកនៃស្នងការនគរបាលរាជធានីភ្នំពេញ មកស្ទូចរថយន្តយកទៅរក្សាទុករង់ចាំដោះស្រាយគ្នានៅពេលក្រោយ ៕ ជ្រោយពេជ្រ
