សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់បានស្លាប់ភ្លាមៗយ៉ាងអាណោចអាធម័ ចំណែកកូនស្រីរងរបួស ខណៈជិះម៉ូតូឌុបគ្នាហើយត្រូវរថយន្តបែនដឹកដីបើកស្របទិសគ្នាបត់មិនមើលឆ្វេងស្តាំកិនជាប់ទាំងមនុស្ស និងម៉ូតូខាងក្រោមរថយន្ត ។
ហេតុការណ៍នេះបានកើតឡើងកាលពីវេលាម៉ោង១រសៀល ថ្ងៃទី៧ ខែធ្នូ ឆ្នាំ២០១៩ នៅផ្លូវបេតុងភូមិភ្លើងឆេះរទះលិច សង្កាត់ភ្លើងឆេះរទះ ខណ្ឌកំបូល រាជធានីភ្នំពេញ ។
ជនរងគ្រោះជាកូនឈ្មោះ សំ គឹមម៉ារៀ ភេទស្រី អាយុ២១ ឆ្នាំ មុខរបរលក់ដូរចំណែកម្តាយដែលស្លាប់ឈ្មោះអូ រ៉ា អាយុ៥៨ឆ្នាំមុខរបរ លក់ដូ ស្នាក់នៅភូមិគោកខ្សាច់ សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
រថយន្តបង្កប្រភេទរថយន្តបែនដឹកដី ពណ៍សលាយខ្មៅ គ្មានស្លាកលេខមិតស្កុតខ្មៅ ចំណែកម៉ូតូម៉ាកអាយខុន ពណ៍ផ្កាយឈូក លាយខ្មៅ ពាក់ស្លាកលេខ ភ្នំពេញ1AH 4083 ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តបង្ក និងម៉ូតូធ្វើដំណើរស្របទិសគ្នាក្នុងទិសដៅពីកើតទៅលិច ខណៈមកដល់ចំណុចកើតហេតុស្រាប់តែរថយន្តបង្កបត់ស្តាំដោយមិនមើលម៉ូតូដែលបើកបរស្របគ្នាបណ្តាលឲកិនម៉ូតូខ្ទៀតម្តាយដែលអង្គុយខាងក្រោយចូលក្រោមរថយន្តកិនស្លាប់យ៉ាងអាណោចអាធម័ចំណែកកូនស្រីរងរបួស ។
ក្រោយកើតហេតុតៃកុងរថយន្តបានចុះគេចខ្លួនបាត់ត្រូវបានសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ចំណែកសពជនរងគ្រោះត្រូវបានសមត្ថកិច្ចប្រគល់ជូនក្រុមគ្រួសារមកទទួលយកទៅធ្វើបុណ្យតាមប្រពៃណី ៕ សុខាសែនជ័យ
