សារព័ត៌មាន នគរវត្ត តែងតែនាំមុខគេជានិច្ច
កន្លងមកលោក ស៊ី ជីងពីន បានស្នើកែប្រែរដ្ឋធម្មនុញ្ញ អនុញ្ញាតឲ្យ ប្រធានាធិបតីចិនកាន់អំណាច បានលើសពីពីរអាណត្តិ ប្រសិនបើទទួលបានការបោះឆ្នោតគាំទ្រ ពីសភាជាតិ ។ ទាំងនោះហើយអាចជួយឲ្យលោកស៊ី ជីងពីន កាន់តំណែងប្រធានាធិបតីចិន អស់មួយជីវិត ដោយសារតែ បក្សកុម្មុយនិស្ត ចិន បានគាំទ្រ យ៉ាងខ្លាំងដល់រូបលោក ។
ប្រធានាធិបតីរុស្ស៊ី លោកពូទីនបានប្រកាសថា លោកអាចនឹងស្នើឲ្យ កែប្រែរដ្ឋធម្មនុញ្ញ ពន្យារអាណត្តិប្រធានាធិបតី ដែលមានសិទ្ធិកាន់អំណាចដឹកនាំប្រទេស លើសពីពីរអាណត្តិ ។ នេះជាវិធានការដើម្បីរក្សាអំណាច ដឹកនាំរុស្ស៊ីរបស់លោកពូទីន ។ ក្រុមអ្នកឯកទេសជាច្រើន ក៏បានលើកឡើងថា មានតែលោកពូទីនប៉ុណ្ណោះ អាចដឹកនាំរុស្ស៊ី ឲ្យខ្លាំងបាន អាចទប់ទល់អាមេរិក គ្រប់ពេលវេលា ។
នៅក្នុងសន្និសីទកាសែត លោកពូទីនបានលើកឡើងថា លោកអាចស្នើកែប្រែរដ្ឋធម្មនុញ្ញរុស្ស៊ី អនុញ្ញាតឲ្យបុគ្គល ដែលទទួលបានការគាំទ្រខ្ពស់ពី ពលរដ្ឋ អាចបន្តដឹងនាំប្រទេស លើសពីពីរអាណត្តិ ។ នៅក្នុងច្បាប់រដ្ឋធម្មនុញ្ញ អនុញ្ញាតឲ្យកាន់អំណាចយូបំផុត២ អណត្តិ តែប៉ុណ្ណោះត្រូវចុះចេញដោយស្វ័យប្រវត្ត ហើយបើចង់បន្តដឹងនាំ ទៀត រងចាំបោះឆ្នោត លើកក្រោយទៀត ។
ជាកស្តែងដូចលោកពូទីនគឺកាន់តំណែងប្រធានាធិបតី២អាណត្តិ ហើយចុះចេញ បោះឆ្នោតជាប់ លោក Medvedev ជាប្រធានាធិបតី ហើយអាណត្តិបន្ទាប់មកលោកពូទីនក៏បានឈរឈ្មោះ ហើយជាប់ជាប្រធានាធិបតីពីរអាណត្តិជាង់គ្នាទៀត ។ នៅពេលនេះលោកកំពុងតែដឹកនាំរុស្ស៊ីក្នុងអាណត្តិទីពីររបស់លោក ។ ចំណុចទាំងនោះហើយបានជាលោកស្វែងរកឱកាសដឹកនាំរុស្ស៊ីបន្តទៀត ដើម្បីសម្រេចគោលនយោបាយ ពង្រីកអំណាច ។
នេះជាលើកទីមួយដែលប្រធានាធិបតីពូទីន លើកឡើងពី គោលបំណងចង់កែប្រែរដ្ឋធម្មនុញ្ញ អនុញ្ញាតឲ្យដឹងនាំ លើសពីអាណត្តិកំណត់ ។ អាណត្តិប្រធានាធិបតីនៅរុស្ស៊ីមាន ៥ឆ្នាំ ហើយលោកពូទីន និង អស់បញ្ចប់អាណត្តិនៅឆ្នាំ២០២៤ ។ ក្រុមអ្នកឯកទេសលើកឡើងថា ក្រោយបញ្ចប់អាណត្តិនៅឆ្នាំ២០២៤ ហើយរងចាំ៥ឆ្នាំទៀត ទើប វិលត្រឡប់មកចូលរួមបោះឆ្នោតវិញ គឺលោកមានវ័យចាស់ទៅហើយ ពិបាកនៅក្នុងការសម្រេច នយោបាយដឹកនាំប្រទេសដែលកំពុងតែរីកចំរើននោះ ៕
