សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រដ្ឋបាលរាជធានីភ្នំពេញ កាលពីរាត្រីថ្ងៃទី២៤ ខែធ្នូ ២០១៩ បានរៀបចំឲ្យមានការជួបជុំ មន្ត្រីរាជការ បុគ្គលិកតាមមន្ទីរ,អង្គភាព,អាជ្ញាធរដែនដីជំនាញពាក់ពន្ធ័ក្នុងន័យថ្លែងអំណរគុណក្រុមការងារ រៀបចំមហាសន្និបាត,មន្ត្រីទាំងអស់ក្រោមឧិវាទ រដ្ឋបាលរាជធានីភ្នំពេញដែលបានរួមចំណែកក្នុងការរៀបចំមហាសន្និបាតសមាគមន៏អន្តរជាតិអភិ បាលក្រុងប្រើប្រាស់ភាសាបារាំង(AIMF)លើកទី៣៩ដែលរាជធានីភ្នំពេញធ្វើជាម្ចាស់ផ្ទះកាលពីដើមខែធ្នូកន្លង ទៅ ទទួលបានជោគជ័យ ។
លោក ឃួង ស្រេង អភិបាលរាជធានីភ្នំពេញបានលើកឡើងថា ស្នាដៃការងារ និងសមិទ្ធិផល ទាំង ឡាយដែលយើងទាំងអស់គ្នាសំរេច បាននាពេលកន្លងមកនេះ គឺមិនត្រឹមតែជាកិត្តិយសដ៏ធំធេងរបស់ រដ្ឋបាលរាជធានីភ្នំពេញ ក្នុងនាមជាសមាជិកអចិន្ត្រៃយ៏ នៃសមាគមAIMFប៉ុណ្ណោះទេ ប៉ុន្តែថែមទាំងជា មោទនភាពថ្មីមួយទៀតរបស់រាជរដ្ឋាភិបាលកម្ពុជា ក្រោមការដឹកនាំ ប្រកបដោយភាពឈ្លាសវៃរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ហើយក៏ជាសារបង្ហាញប្រាប់ពិភពលោកថា ទីក្រុងភ្នំពេញមិនមែនជាទីក្រុងខ្មោច និងមិនមែនជាទីក្រុងឯកោ ដូចកាលពីឆ្នាំ១៩៧៩នោះឡើយ ។ ផ្ទុយទៅវិញរាជធានីភ្នំពេញនាពេលបច្ចុប្បន្ននៅតែរក្សាបាននូវអត្តសញ្ញាណនៃទីក្រុងប្រវត្តិសាស្ត្ររបស់ខ្លួនដែលដែលជាបេះដូងនៃព្រះរាជាណាចក្រកម្ពុជា និងជាមជ្ឈមណ្ឌលប្រមូលផ្តុំលើគ្រប់វិស័យ ពោរពេញដោយសុខ សុវត្ថិភាព,វិបុលភាព,សកម្មភាពរស់រវើក និងមានភាពទាក់ទាញបំផុតក្នុងតំបន់អាស៊ីអាគ្នេយ៏យើងនេះ ។
ជាមួយនឹងការទទួលទានអាហារសាមគ្គី អបអរឆ្នាំថ្មីឆ្នាំសកលនេះដែរ លោកឃួង ស្រេង យកឱកាស នេះប្តេជ្ញាចិត្តរួមគ្នាជាថ្មី ម្តងទៀត ដោយបានសន្យាខិតខំប្រឹងប្រែងទ្វេដងជាមួយបងប្អូនសហការី មន្ត្រីរាជការ និងបុគ្គលិកទាំងអស់នៃរដ្ឋបាលរាជធានីភ្នំពេញដើម្បីឆ្លើយតបទៅនឹងទំនុកចិត្តរបស់ ប្រជាពលរដ្ឋព្រោះការងារណាក៏យើងអាចសំរេចបានដែរឲ្យតែមានកំលាំងសាមគ្គី ៕ សំរិត
