សារព័ត៌មាន នគរវត្ត តែងតែនាំមុខគេជានិច្ច
អាមេរិក មានកម្លាំងយោធា និងសេដ្ឋកិច្ចលំដាប់ទីមួយនៅលើពិភពលោក ហើយយុទ្ធសាស្ត្រធ្វើសង្គ្រាមរបស់អាមេរិក ល្អដាច់គេដោយអាមេរិកមានបទពិសោធន៍នៅក្នុងការធ្វើសសង្គ្រាមរាប់សិបឆ្នាំកន្លងមក ។
កុំថាឡើយអ៊ីរ៉ង់ សូម្បីតែ រុស្ស៊ី ឬចិន ដែលមានអាវុធទំនើបៗលំដាប់ទីពីរ និងទី៣លើពិភពលោក ក៏មិនប្រាកដថា អាចយកឈ្នះអាមេរិក នោះដែរ បើទោះរុស្ស៊ីមានចំនួនបរមាណូ ច្រើនជាអាមេរិក ព្រមទាំងមីស៊ីលល្បឿនលឿនក្តី។
ហេតុដូច្នេះហើយ ទើបបានជាអ៊ីរ៉ង់ផ្ញើលិខិតបន្តបន្ទាប់ទៅកាន់អាមេរិក ថា ឈប់វាយប្រហារហើយ។ អ៊ីរ៉ង់ បានប្រើប្រាស់បណ្តាញទំនាក់ទំនងសម្ងាត់ តាមរយៈប្រទេស ស្វិស និងប្រទេសផ្សេងទៀត ដើម្បីផ្ញើសារទៅកាន់អាមេរិកថា សកម្មភាពវាយប្រហារសងសឹករបស់អាមេរិកបានបញ្ចប់ហើយ នៅថ្ងៃទី៨ ខែមករា ឆ្នាំ២០២០ ដោយមិនមានការវាយប្រហារណាមួយផ្សេងទៀតឡើយ។
សកម្មភាពខាងលើរបស់អ៊ីរ៉ង់ គឺដើម្បីទប់ស្កាត់ការវាយបកវិញពីអាមេរិក ជំរុញឲ្យស្ថានភាព កាន់តែតានតឹងថែមទៀត។ សារព័ត៌មាន CNN បានផ្សាយថា ក្នុងពេលអាមេរិកកំពុងតែវាយតម្លៃពីការខូចខាត ដោយការវាយប្រហារពីអ៊ីរ៉ង់ទៅលើទីតាំងយោធាពីរកន្លែងនៅអ៊ីរ៉ាក់ ។ ជាមួយគ្នានោះអាមេរិកក៏ទទួលបាន សារជាច្រើនពីអ៊ីរ៉ង់ ដោយមានខ្លឹមសារតែមួយ ថា«យើងបានធ្វើការរួចរាល់ហើយ»។
មន្ត្រីអាមេរិក ក៏បាននិយាយទៅកាន់សារព័ត៌មាន CNN ថា រដ្ឋាភិបាលរបស់ប្រធានាធិបតីដូណាល់ត្រាំ រំលងចោល នៅការវាយប្រហារដោយមីស៊ីលរបស់អ៊ីរ៉ង់ទៅលើទីតាំងអាមេរិក ពីរកន្លែងនៅអ៊ីរ៉ាក់ ដោយ មិនមានការសងសឹកតបតវិញ។
ជាមួយគ្នានោះដែរមន្ត្រីយោធាអាមេរិក បានបញ្ជាក់ថា មិនមាន ទាហានអាមេរិក ឬអ៊ីរ៉ាក់ ស្លាប់នៅក្នុងការវាយប្រហារនោះឡើយ។ ទាំងនោះហើយទើបអាមេរិក មិនដេញដោល តបតវិញនៅការវាយប្រហាររបស់អ៊ីរ៉ង់ ។ សកម្មភាពវាយបករបស់អ៊ីរ៉ង់ គ្រាន់តែជាយុទ្ធសាស្ត្ររម្ងាប់ កំហឹងរបស់ពលរដ្ឋ ក្រោយការស្លាប់មេទ័ព ត្រូវទាហានអាមេរិកវាយប្រហារតែប៉ុណ្ណោះ។
ពាក់ព័ន្ធនិងការប្រឈមមុខតានតឹងដាក់គ្នា ប្រធានាធិបតីអាមេរិក លោក ដូណាល់ ត្រាំ បានថ្លែងថា រដ្ឋបាលរបស់លោកបានទប់ទល់ពីការគំរាមកំហែងដោយផ្ទាល់ពីសកម្មភាពយោធាណាមួយប្រឆាំងនឹងប្រទេសអ៊ីរ៉ង់ ប៉ុន្ដែអាមេរិកនឹងបន្ដដាក់ទណ្ឌកម្មជាថ្មី។
លោកប្រធានាធិបតី ដូណាល់ ត្រាំ បានថ្លែង នៅក្នុងសន្និសីទសារព័ត៌មាន នៅក្នុងសេតវិមាន កាលពីពឹ្រក ថ្ងៃទី៨ ខែមករា (ម៉ោងនៅអាមេរិក)ថា លោកនឹងស្វែងរកវិធីសាស្រ្ដផ្សេង សម្រាប់កាត់បន្ថយភាពតានតឹងជាមួយនឹងប្រទេសអ៊ីរ៉ង់។ អាមេរិកមានគោលបំណងល្អជាមួយភាគីពាក់ព័ន្ធទាំងអស់ ហើយនេះក៏ជាបញ្ហាល្អសម្រាប់ពិភពលោកទាំងមូលផងដែរ។ ប៉ុន្ដែអាមេរិកនឹងបន្ដដាក់ទណ្ឌកម្មសេដ្ឋកិច្ចប្រឆាំងនឹងរបបគ្រប់គ្រង់ នៅក្នុងប្រទេសអ៊ីរ៉ង់បន្ដទៀត តាមអ្វីដែលលោកចាត់ទុកថា នេះជាការរំលោភបំពានរបស់អ៊ីរ៉ង់។
ទោះជាយ៉ាងណា លោកប្រធានាធិបតីអាមេរិក មិនបានផ្ដល់វិធានការជាក់លាក់ ថាតើលោកនឹងមានគោលបំណងណាមួយ ជុំវិញការធ្លាក់យន្ដហោះរបស់អ៊ុយក្រែន នៅក្នុងរដ្ឋធានីតេអេរ៉ង់ ដែលបានសម្លាប់អ្នកដំណើរ ចំនួន១៧៦នាក់ ក្នុងនោះមានជនជាតិកាណាដា ចំនួន៦៣នាក់ផងដែរ។
មន្ទីរបញ្ចកោណ បានបញ្ជាក់ថា គ្រាប់មីស៊ីលបាលីស្ទិក ចំនួន១៥គ្រាប់ បានវាយប្រហារ តម្រង់ទៅលើមូលដ្ឋានកងទ័ពអាកាសរបស់អាមេរិក ចំនួន២កន្លែង នៅក្នុងប្រទេសអ៊ីរ៉ាក់ នោះ មិនបានបណ្ដាលឲ្យកងទ័ពអាមេរិក ស្លាប់នោះឡើយ។ ប៉ុន្ដែនៅក្នុងហេតុការណ៍នោះ គ្រាន់តែបង្កឲ្យមានការខូចខាតបន្ដិចបន្ដួចតែប៉ុណ្ណោះ។
ដោយឡែកមេដឹកនាំកំពូលអ៊ីរ៉ង់ លោក Ayatollah Ali Khamenei បានថ្លែងថា ប្រជាពលរដ្ឋអ៊ីរ៉ង់ទាំងអស់ ត្រូវតែរួបរួមគ្នា ដើម្បីប្រឆាំងនឹងមហិច្ឆតារបស់អាមេរិក។ រីឯការវាយប្រហារដោយមីស៊ីលទៅលើមូលដ្ឋានកងទ័ពអាកាសរបស់អាមេរិក ចំនួន២កន្លែង នៅលើទឹកដីអ៊ីរ៉ាក់ នោះ គឺជាការសងសឹក ដើម្បីព្រមាន ហើយបង្ខំឲ្យអាមេរិក ចាកចេញពីប្រទេសអ៊ីរ៉ាក់ ផងដែរ។
អំពីកម្លាំង យោធានិងអាវុធវិញ អាមេរិកមានកម្លាំងយោធា លំដាប់ទីមួយលើពិភពលោក ចំណែកអ៊ីរ៉ង់វិញ ឈរលំដាប់ទី១៤ មានន័យថា ទាបជាងអាមេរិកដល់ទៅ១៣ដង។
នៅក្នុង តារាំងស្តីពីកម្លាំង យោធាលើពិភពលោកឆ្នាំ២០១៩ បានបង្ហាញឲ្យឃើញថាអ៊ីរ៉ង់ក៏មិនមែនជាប្រទេសដែលមានកម្លាំងយោធាទន់ខ្យោយនោះដែរ គឺស្ថិតនៅលំដាប់ទី១៤ លើពិភពលោក។ អ៊ីរ៉ង់ មានទាហានកំពុងតែបំពេញបេសកកម្ម៥២៣ពាន់នាក់ ទាហានបំរុង៣៥០ពាន់នាក់។
អំពីទាហានអាកាស អ៊ីរ៉ង់មានយន្តហោះចម្បាំង១៤២គ្រឿងឈរលំដាប់ទី១៧ ក្នុងចំណោម១៣៧ប្រទេស។ប៉ុន្តែភាគច្រើនយន្តហោះចម្បាំងអ៊ីរ៉ង់ ជាប្រភេទចាស មិនអាច ទប់ទល់ជាមួយអាមេរិក នោះឡើយ។
កម្លាំងទាហានជើងគោកអ៊ីរ៉ង់ គឺជាកម្លាំងដែលមានឥទ្ធិពលខ្លាំងជាងគេ ដោយ មានរថក្រោះ១៦៣៤ ក្នុងចំណោមនោះ មាន រថក្រោះប្រភេទថ្មីជាច្រើនគ្រឿង ទំនើបៗ លំដាប់ពិភពលោក។ ក្រៅពីនេះទាហានអ៊ីរ៉ង់ មានរថពាសដែក២៣០០គ្រឿងគ្រប់ប្រភេទកាំភ្លើងធំ៥០០គ្រឿង ។
ចំណែកកម្លាំងទាហានជើងទឹកខ្យោយជាង ជើងគោក ជើងអាកាស។ ទាហានជើងទឹកអ៊ីរ៉ង់ មាននាវា៤០០គ្រឿងគ្រប់ប្រភេទ ក្នុងនោះមាននាវាចម្បាំងតែ ៦គ្រឿង។
ចំពោះអាមេរិក វិញ គឺមិនបាននិយាយឡើយ ដោយអាមេរិកឈរលំដាប់លេខមួយលើពិភពលោក មានទាហាន១,២លាននាក់ ។ ទាហានអាកាសអាមេរិកមាន យន្តហោះចម្បាំង១៤ពាន់គ្រឿង ទំនើបៗបំផុត លើពិភពលោក។
កម្លាំងទាហានជើងគោកអាមេរិក មាន រថក្រោះ៦២០០គ្រឿង រថពាសដែក ៣៩គ្រឿង និងកាំភ្លើងធំរាប់ពាន់គ្រឿង។ កម្លាំងទាហានជើងទឹក អាមេរិកឈរលំដាប់ទី១លើពិភពលោក នាវាចម្បាំងរាប់ រយគ្រឿង នាវាមុជទឹក៦៩គ្រឿង បំពាក់កាំជ្រួចមីស៊ីលឆ្លងទ្វីប នាវាផ្ទុកយន្តហោះកំពុងដំណើរការ១២គ្រឿង៕
