សមត្ថកិច្ចឃាត់ខ្លួនស្រ្ដីម្នាក់ពាក់ពន្ធ័ករណីចែកចាយ និងរក្សាទុកនូវសាធាតុញៀន

ខេត្ដឧត្ដរមានជ័យ៖ នៅថ្ងៃសៅរ៍ ទី ១៤រោច ខែមាឃ ឆ្នាំកុរ ព.ស ២៥៦៣ ត្រូវនឹងថ្ងៃទី ២២ ខែកុម្ភៈ ឆ្នាំ២០២០ វេលាម៉ោង២០ ក្រោមការបញ្ជារបស់លោកវរសេនីយ៍ឯក ថោង សាមិ ស្នងការរងទទួលផែនការងារប្រឆាំងគ្រឿងញៀន និងដឹកនាំបញ្ជាផ្ទាល់ លោក វរសេនីយ៍ទោ រឹត សុខា ប្រធានការិយាល័យគ្រឿងញៀន បានចុះបង្ក្រាបករណី ចែកចាយ និងប្រើប្រាស់ គ្រឿងញៀនខុសច្បាប់១ករណី ស្ថិតនៅភូមិកំណប់ សង្កាត់បន្សាយរាក់ ក្រុងសំរោង ខេត្តឧត្តរមានជ័យ ។

សមត្ថកិច្ចឃាត់ខ្លួនបានជនសង្ស័យបានចំនួន ០១នាក់ ឈ្មោះ ស៊ីប គន្ធា ភេទស្រី អាយុ៣៥ឆ្នាំ រស់នៅភូមិអភិវឌ្ឍន៍ ឃុំអន្លង់វែង ស្រុកអន្លង់វែង ខេត្តឧត្ដរមានជ័យ ។

សមត្ថកិច្ចបានឲ្យដឹងថា៖ លទ្ធផលបង្រ្កាបដកហូតបានថ្នាំញៀន ប្រភេទ មេតំហ្វេតាមីន ICE ចំនួន ០២ កញ្ចប់ ស្មើ និង២,១២ ក្រាម ទូរសព្ទដៃ ចំនួន ០១គ្រឿង និង សម្ភារសម្រាប់ជក់ គ្រឿញៀនមួយចំនួន វត្ថុតាង និងជនសង្ស័យខាងលើការិយាល័យជំនាញកំពុងកសាងសំណុំរឿងតាមនីតិវិធីបញ្ជូនទៅតុលាការ ៕ ប៉ែន នួន