សារព័ត៌មាន នគរវត្ត តែងតែនាំមុខគេជានិច្ច
ចិននិងអ៊ីរ៉ងជាសម្ព័ន្ធមិត្តជិតស្និទបំផុត របស់អ៊ីរ៉ង់ លើគ្រប់វិស័យពិសេសគឺវិស័យពាណិជ្ជកម្ម ។ចិននៅតែបន្តទិញប្រេងពីអ៊ីរ៉ង់ បើទោះបីអាមេរិកបានដាក់ទណ្ឌកម្ម និងហាមប្រាមប្រទេសជាច្រើនឈប់ទំនាក់ទំនងពាណិជ្ជកម្មជាមួយអ៊ីរ៉ង់។
ការឆ្លងវីរុសកូវីដនៅក្នុងប្រទេសអ៊ីរ៉ង់ ក៏ចេញពីក្រុម វិស្វះករ ពលរដ្ឋជនជាតិចិន ត្រឡប់ទៅធ្វើការនៅអ៊ីរ៉ង់វីញបន្ទាប់ពី សម្រាប់ចូលឆ្នាំ។ ចំណុចទាំងនោះហើយបានជាចិនបញ្ជូនក្រុមឯកទេសសុខាភិបាលទៅជួយទប់ស្កាត់ការឆ្លងកូវីដ-១៩។ បច្ចុប្បន្ន ចំនួនអ្នកស្លាប់ និងឆ្លងនៅប្រទេសចិនថយចុះយ៉ាងខ្លាំង ចំណែកអ្នកព្យាបាលជាសះស្បើយមានច្រើនជាង ៤ម៉ឺននាក់ហើយ។ជំងឺផ្លូវដង្ហើមបង្កឡើងដោយ វីរុស កូវីដ-១៩ កើនឡើងខ្ពស់នៅក្នុងប្រទេសអ៊ីរ៉ង់ ហើយមន្ត្រីរដ្ឋាភិបាលជាច្រើនរូបក៏បានឆ្លងវីរុសដ៏កាចសហាវនេះក្នុងនោះមានទាំងអនុប្រធានាធិបតី និងតំណាងរាស្ត្រ រាប់សិបនាក់។ បើទោះបីឆ្លងរាលដាលច្រើនតែអ៊ីរ៉ង់ បានច្រានចោលសំណើជំនួយពីអាមេរិក។
នៅពេលនេះអ៊ីរ៉ង់ក៏បានប្រកាស បិទទ្វាររដ្ឋសភា ផ្អាករាល់កិច្ចប្រជុំ រហូតដល់ជំងឺផ្លូវដង្ហើមនេះល្អប្រសើឡើងវិញ។ លើសពីនេះទៅទៀត អ៊ីរ៉ង់ បានលុបពិធីសាសនាផ្សេងៗ ក្នុងនោះមានពីធីសូត្រធម៌រៀងរាលថ្ងៃសុខ។ បច្ចុប្បន្ន អ៊ីរ៉ង់ មានអ្នកស្លាប់ដោយកូវីដ-១៩ ដល់ទៅ៣៤នាក់ គឺស្ថិតនៅលំដាប់ទីពីរ បន្ទាប់ពីចិន។ ថ្មីនេះសារព័ត៌មានអាមេរិកបានផ្សាយថា អ៊ីរ៉ង់ មានអ្នកស្លាប់ដោយកូវីដ ដល់ទៅជាង២០០ នាក់ ប៉ុន្តែអ៊ីរ៉ង់ បានច្រានចោលព័ត៌មានខាងលើ។
ដើម្បីទប់ស្កាត់ការឆ្លងរាលដាល់កាន់តែខ្លាំងនៅអ៊ីរ៉ង់ រដ្ឋាភិបាលទីក្រុងប៉េកាំងបានសម្រេច បញ្ជូនក្រុមឯកទេសសុខាភិបាល៤នាក់ មានជំនាញទប់ស្កាត់ជំងឺឆ្លង ទៅកាន់អ៊ីរ៉ង់។ មិនតែប៉ុណ្ណោះ ចិនក៏បានបញ្ជូន ឧបករណ៍ត្រួតពិនិត្យ កូវីដ-១៩ ៥ពាន់គ្រឿង ហើយនឹងបន្តបញ្ជូនបន្ថេម ២មឺនគ្រឿងទៀត ទៅកាន់អ៊ីរ៉ង់ដើម្បីត្រួតពិនិត្យ ទាន់ពេលវេលា៕ ម៉ែវ សាធី
