រថយន្ត២ គ្រឿងបុកប៉ះគ្នាបណ្ដាលឱ្យស្ត្រីម្នាក់ស្លាប់និងមនុស្សចំនួន៤ នាក់ទៀតរងរបួសធ្ងន់ស្រាល

ខេត្តព្រះសីហនុ៖ មានរកណីគ្រោះថ្នាក់ រវាងរថយន្តលុចសុិស RX-300 បុកប៉ះជាមួួយរថយន្តកុងតឺន័រ បណ្តាលអោយស្ត្រីម្នាក់ស្លាប់ និង៤នាក់ទៀតរងរបួសធ្ងន់ស្រាល នៅវេលាម៉ោង5.30 នាទី ថ្ងៃទី០២ ខែមេសា ឆ្នាំ២០២០ នៅចន្លោះ Km 157-158 ស្ថិតក្នុងភូមិ អូរតាហយ ឃុំស្ទឹងឆាយ ស្រុកកំពង់សីលា ខេត្តព្រះសីហនុ។

យោងតាមប្រភពពីសមត្ថកិច្ចបានអោយដឹងថា មានករណីគ្រោះថ្នាក់ចរាចរណ៍ រវាងរថយន្តម៉ាកនីសាន់ ពណ៍ខៀវ ត្រួយចេក​ ពាក់ស្លាកលេខភ្នុំពេញ 3C-0054(សន្តោងកុងទីន័រ)អ្នកបើកបរមិនស្គាល់អត្តសញ្ញាណ មានទិសដៅពីខេត្តព្រះសីហនុ ឆ្ពោះទៅភ្នុំពេញ​ បុកជាមួយនិងរថយន្ត ម៉ាកលុចសុីសRX300 ណ៍ស ពាក់ស្លាកលេខ ​ភ្នំពេញ​ 2H-3030 មានទិសដៅបញ្ច្រាសទិសគ្នា អ្នកបើកបរឈ្មោះ សូ សុខាល័យ ភេទប្រុស​ អាយុ៣៣ឆ្នាំ រស់នៅភ្នំពេញ រងរបួសធ្ងន់

អ្នករួមដំណើរក្នុងរថយន្តនេះមាន០៤នាក់​ស្រី០១នាក់

១/ឈ្មោះ សូនី ភេទស្រី​ អាយុ ២៨ឆ្នាំ ជនជាតិខ្មែរ មានទីលំនៅ ខេត្តព្រៃវែង  (ស្លាប់)

 ២/ឈ្មោះ លី គ័ង ភេទប្រុស អាយុ៣៥​ឆ្នាំ ជនជាតិ​ចិន ទីលំនៅ ភ្នំពេញ រងរបួស​ធ្ងន់

 ៣/ ឈ្មោះ បូរ៉ា ភេទប្រុស អាយុ២០ឆ្នាំ ជនជាតិ​ខ្មែរ ទីលំនៅ​ខេត្តព្រៃវែង រងរបួស​ធ្ងន់ ។​

៤/ ឈ្មោះ ហុង សៀវហាក់ អាយុ១១ឆ្នាំ ជនជាតិ​ខ្មែរ ទីលំនៅភ្នំពេញ រងរបួស​ស្រាល ។​

បច្ចុប្បន្នចំពោះមុខអ្នកស្លាប់ត្រូវបានប្រគល់ ឲ្យក្រុមគ្រួសារយកទៅធ្វើបុណ្យតាមប្រពៃណី រីឯអ្នករងរបួសត្រូវបានកម្លាំង អាវុធហត្ថ ស្នាក់ការសន្តិសុខ៤០២ សហការជាមួយកម្លាំង អាវុធហត្ថ ស្នាក់ការសន្តិសុខ៤០១ និងកម្លាំងអធិការដ្ឋាននគរបាលស្រុកកំពង់សីលា ជួយសង្រ្គោះបញ្ជូនទៅមន្ទីរពេទ្យភ្នំពេញ ​ចំណែកវត្ថុតាងរថយន្តទាំងពីរស្ទួចយកទៅរក្សាទុកនៅអធិការដ្ឋាននគរបាលស្រុកកំពង់សីលាបន្តតាមនិតិវិធីច្បាប់។ ឆ្លាម សមុទ្រ