សារព័ត៌មាន នគរវត្ត តែងតែនាំមុខគេជានិច្ច
ក្រុមអ្នកមានបុណ្យ Barcelona នឹងយកខ្សែប្រយុទ្ធសញ្ជាតិបារាំងGriezmann ជាថ្នូរដើម្បីទៅចរចាជាមួយក្រុមយក្សបារាំង PSG ក្នុងការនាំយកខ្សែប្រយុទ្ធប្រេស៊ីល Neymar ត្រលប់ទៅអេស្ប៉ាញវិញ។
ទើបតែចូលរួមជាមួយក្រុម Barcelona កាលពីដើមរដូវកាលនេះទេ ខ្សែប្រយុទ្ធ Griezmann បានផ្លាស់ពីក្រុម Atletico Madrid ក្នុងតម្លៃ១០៨លានផោន។
ក្នុងនាមជាខ្សែប្រយុទ្ធសំខាន់ម្នាក់ កីឡាករបារាំងខាងលើ លេងបានដូចអ្វីដែលអ្នកគាំទ្រគិតឡើយ។
រូបគេហាក់ដូចជាពិបាកក្នុងការសម្របខ្លួនទៅតាមទម្រង់លេងរបស់ក្រុមអ្នកមានបុណ្យខ្លាំងណាស់ប៉ុន្តែទោះបីខិតខំប្រឹងប្រែងយ៉ាងនេះក្តីក៏ក្លិបនៅតែ មិនអាចបង្កើនទម្រង់លេងល្អឥតខ្ចោះដែរ ។
ដោយសារតែដូច្នេះហើយ ទើបមានដំណឹងថា ក្រុមអ្នកមានបុណ្យចង់បញ្ចេញគេវិញហើយ។ ក្នុងនោះ Barca ចង់បាន Neymar ត្រលប់មកវិញ ហើយយក Griezmann នេះហើយ ជាថ្នូរនិងបន្ថែមលុយខ្លះទៀត ដើម្បីឱ្យក្រុម PSG យល់ព្រម៕ ភារៈ
