សមត្តកិច្ចស្រុកកំពង់សីលាឃាត់ខ្លួនជនសង្ស័យ០២នាក់បន្ទាប់ពីធ្វើសកម្មភាពឆក់កាបូបក្មេងស្រីសិស្សសាលាម្នាក់

ខេត្តព្រះសីហនុ៖ នគរបាលស្រុកកំពង់សីលា សហការជាមួយនគរបាលផ្នែកត្រួតពិនិត្យសណ្តាប់ធ្នាប់ចរាចរណ៍តាមដងផ្លូវ  បានឃាត់ខ្លួនជនសង្សយ័២នាក់ ដែលជិះម៉ូតមួយគ្រឿង ធ្វើសកម្មភាពឆក់យកកាបូបលុយពីក្មេងសិស្សសាលាម្នាក់ កាលពីព្រលប់ថ្ងៃ១៨មេសា២០២០ នៅលើផ្លូវ ជាតិ៤ ស្ថិតនៅក្នុងភូមិបឹងត្រាច ឃុំចំការហ្លួង ស្រុកកំពង់សីលា ខេត្ដព្រះសីហនុ ។

*ម្ចាស់កាបូបឈ្មោះ សំ ស្រីពៅ ភេទស្រី អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅកន្លែងកើតហេតុ ជិះម៉ូតូម្នាក់ឯង ក្រោយចោរឆក់កាបូប ជនរងគ្រោះដួលម៉ូតូដាច់រលាត់ជើង(រងរបួសស្រាល) ។

*សម្ភារៈបាត់បង់រួមមាន៖ កាបូប១,ប្រាក់ចំនួន១៣ម៉ឺនរៀល , ប័ណ្ណដកប្រាក់វីង១សន្លឹកមានទឹកប្រាក់ចំនួន៨០ម៉ឺនរៀល។

*ជនសង្ស័យទាំង២នាក់មាន

១-ឈ្មោះ កង រីវីរោទ័ អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅភូមិខ១សង្កាត់ច្រាំងចំរេះ ខ័ណ្ឌឫស្សីកែវ រាជធានីភ្នំពេញ។

 ២-ឈ្មោះ លឹម ផាន់អួនសា ភេទប្រុស អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅភូមិ១២ សង្កាត់ វាលវង់ ខណ្ឌ៧មករា រាជធានីភ្នំពេញ ។

 ក្រោយឃាត់ខ្លួន ជនសង្ស័យទាំង២នាក់បានសារភាពថា ខ្លួនពិតជាបានធើ្វសកម្មភាពជិះម៉ូតូឆក់កាបូបលុយជនរងគ្រោះពិតប្រាកដមែន ។

 ជនសង្ស័យទាំង២នាក់ និងវត្ថុតាង បានបញ្ជូនមកកាន់ការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្ដ ដើម្បីចាត់ការបន្តតាមនីតិវិធី៕ឆ្លាម សមុទ្រ