ឃាត់ខ្លួនជនសង្ស័យ០២នាក់ពាក់ព័ន្ធករណីជួញដូរគ្រឿងញៀន

សៀមរាប៖ កម្លាំងអាវុធហត្ថខេត្តសៀមរាបនិងកម្លាំងការិយាល័យប្រឆាំងគ្រឿងញៀនខេត្តដឹកនាំដោយលោកអនុសេនីយ៍ឯក ធាវ ច័ន្ទតារា ឃាត់ខ្លួនជនសង្ស័យ០២នាក់ពាក់ព័ន្ធករណីជួញដូរគ្រឿងញៀន ហេតុការណ៍ធ្វើឡើងកាលពីវេលាម៉ោង១៥និង៣០នាទីថ្ងៃទី១៩ខែមេសាឆ្នាំ ២០២០ នៅចំណុចភូមិ សាលាកន្សែង សង្កាត់ ស្វាយដង្គំ ក្រុង សៀមរាប ខេត្ត សៀមរាប។

សមត្ថកិច្ចបានអោយដឹងថាជនសង្ស័យ០១.ឈ្មោះជ្រឹង គឹមសៀង ភេទប្រុសអាយុ៣៣ ឆ្នាំជនជាតិខ្មែរ មុខរបរជាងទូរស័ព្ទ រស់នៅភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប។

ទី២ ឈ្មោះគង់ សុភី ភេទប្រុសអាយុ ២៧ឆ្នាំជនជាតិខ្មែរ មុខរបរជាងទូរស័ព្ទ រស់នៅភូមិល្អក់ ឃុំកណ្ដែក ស្រុកប្រាសាទបាគង ខេត្តសៀមរាប។ បន្ទាប់ពីឃាតខ្លួនបានដកហូតវត្ថុតាងម្សៅក្រាមសថ្លាចំនួន១៥កញ្ចប់ទម្ងន់៤៥១,៥៥ក្រាម, ថ្នាំwyចំនួន៨គ្រាប់ទម្ងន់០,៩០ក្រាម , ថ្នាំក្រវីពណ៌ផ្កាឈូកសញ្ញាក្បាលខ្មោចចំនួនមួយគ្រាប់ ទម្ងន់០,៤១ក្រាម,ទូរស័ព្ទដៃចំនួន០៣គ្រឿង។

 បច្ចុប្បន្នជនសង្ស័យទាំង២និងវត្ថុតាង ត្រូវបានកំលាំងអាវុធហត្ថបញ្ជូនទៅតុលាការ៕ដោយ៖ប៊ុនរិទ្ធី