សារព័ត៌មាន នគរវត្ត តែងតែនាំមុខគេជានិច្ច
ប្រព័ន្ធផ្សព្វផ្សាយរបស់កូរ៉េខាងត្បូងបានរាយការណ៍ថា ខ្សែប្រយុទ្ធសញ្ជាតិកូរ៉េខាងត្បូង Hwang Hee-chan របស់ក្រុម RB Salzburg នឹងចូលរួមជាមួយក្រុម RB Leipzig របស់លីគកំពូលអាល្លឺម៉ង់ Bundesliga ឆាប់ៗនេះ។ នេះបើយោងតាមការចុះផ្សាយរបស់សារព័ត៌មានស៊ីនហួរនៅព្រឹកថ្ងៃពុធនេះ។
ក្លឹប RB Leipzig មានចំណាប់អារម្មណ៍ចង់ស្វែងរកខ្សែប្រយុទ្ធថ្មីដែលជាអ្នកជំនួសរយៈពេលវែងជាកន្លែងរបស់កីឡាករ Timo Werner វ័យ២៤ឆ្នាំដែលថ្មីៗនេះបានចុះហត្ថលេខាជាមួយក្រុមតោខៀវ Chelsea ។
កីឡាករ Hwang រកគ្រាប់បាល់បានចំនួន១៦គ្រាប់ និងបញ្ជូនបាល់ឲ្យមិត្តរួមក្រុមស៊ុតចំនួន២១លើកក្នុង៣៨ប្រកួតនៅទូទាំងការប្រកួតសម្រាប់ក្លឹប RB Salzburg នៅរដូវកាលនេះរួមទាំងការប្រកួតទល់នឹង Liverpool នៅកីឡដ្ឋាន Anfield ក្នុងពានរង្វាន់ UEFA Champions League កន្លងទៅផងដែរ ៕
ដោយ៖ភារៈ
