សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អ្នកនាំពាក្យក្រសួងសុខាភិបាល លោកស្រី ឱ វណ្ណឌីនបានបញ្ជាក់ថា៖ក្រសួងសុខាភិបាលកម្ពុជា បានស្វែងរកឃើញអ្នកពាក់ព័ន្ធននឹងស្ត្រីខ្មែរជនជាតិអាមេរិក ចំនួន១០នាក់ ក្រោយពីរូបគាត់បានរត់ចេញពីមណ្ឌលចិត្តាឡីស័កភ្នំពេញ ទៅកាន់ខេត្តកំពង់ចាម ហើយពេលនេះក្រសួងសុខាភិបាលកំពុងតែតាមដានលើអ្នកពាក់ព័ន្ធទាំងនោះដោយមិនទាន់មានវិធានការអ្វីផ្សេងឡើយ។
លោកស្រី ឱ វណ្ណឌីន បានបញ្ជាក់ដែរថា ៖ ក្នុងចំណោមមនុស្ស ១០នាក់នោះមាន៣នាក់ជាអ្នកទទួលភ្ញៀវនៅសណ្ឋាគារ ៦នាក់ជាជាងកាត់សក់ និងអ្នកបើកតាក់ស៊ីម្នាក់។
អ្នកនាំពាក្យក្រសួងសុខាភិបាល បានថ្លែងថា ដោយសារតែលទ្ធផលធ្វើតេស្តលើកទី២ ចំពោះស្ត្រីនៅតែអវិជ្ជមាន ក្រសួងសុខាភិបាល មិនបានធ្វើចត្តាឡីស័កទៅលើមនុស្ស ១០នាក់នោះទេ ដោយគ្រាន់តែធ្វើការតាមដានសុខភាពរបស់ពួកគាត់៕ដោយ៖សិលា
