សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ អាមេរិក បានបិទស្ថានកុងស៊ុលរបស់ចិននៅអាមេរិក ហើយចិនក៏បានតបតវិញដោយបិទស្ថានកុងស៊ុលអាមេរិកនៅក្នុងប្រទេសចិនផងដែរ។ នៅពេលនេះសេតវិមានបានអំពាវនាវឲ្យចិនបញ្ឈប់រាល់សកម្មភាពអាក្រក់ដោយស្វែងរកវិធីសាស្ត្រតបតអាមេរិកតាមបែប«ស៊ីសងភ្លាមៗ»។
អាមេរិកធ្វើទៅលើចិនមុនដោយបិទស្ថានកុងស៊ុលចិន ហើយចិនបានតបតវិញជារឿងសមហេតុផល។ ប៉ុន្តែគណៈកម្មការសន្តិសុខជាតិអាមេរិក លោក John Ullyot បានបញ្ជាក់ថា «យើងបិទស្ថានកុងស៊ុលចិន នៅទីក្រុង Houston គឺដើម្បីការពារផលប្រយោជន៍ និងព័ត៌មានផ្ទាល់ខ្លួនរបស់ពលរដ្ឋអាមេរិក ។ យើងសូមអំពាវនាវឲ្យចិនបញ្ចប់សកម្មភាពអាក្រក់« ស៊ីសងភា្លមៗ»ជាមួយអាមេរិក។
ក្រោយពេលអាមេរិកបានបិទស្ថានកុងស៊ុលចិននៅទីក្រុង Houston ចិនក៏បានសម្រេចបិទស្ថានកុងស៊ុលអាមេរិកនៅទីក្រុង Chengdu ផងដែរ។ អាមេរិកមានស្ថានកុងស៊ុលនៅក្នុងប្រទេសចិនចំនួន៦ តែចិនសម្រេចជ្រើសរើស បិទនៅទីក្រុងChengdu ។
អាមេរិក មានស្ថានទូតនៅទីក្រុងប៉េកាំង ហើយមានស្ថានកុងស៊ុលចំនួន៥ផ្សេងទៀតនៅក្នុងប្រទេសចិន។ ដូចគ្នានេះដែរ ចិនមានស្ថានទូតមួយនៅទីក្រុងវ៉ាស៊ីនតោន និងមានស្ថានកុងស៊ុលចំនួន៥ប្រចាំនៅទីក្រុងផ្សេងៗរបស់អាមេរិក ៕ដោយ៖ធី រីណា
