សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖រដ្ឋVictoria ដែលជារដ្ឋដែលមានពលរដ្ឋច្រើនលំដាប់ទីពីររបស់ប្រទេសអូស្ត្រាលី នៅថ្ងៃ ទី២៦ ខែកក្កដា នេះមានករណីស្លាប់ដោយកូវីដ-១៩កើនឡើងខ្ពស់បំផុតមិនធ្លាប់មាន។
មានប្រសាសន៍ទៅកាន់ក្រុមអ្នកសារព័ត៌មាន លោក Daniel Andrews អភិបាលរដ្ឋVictoria បានឲ្យដឹងថា ចំនួនអ្នកឆ្លងកូវីដ-១៩ក្នុងថ្ងៃទី២៦នេះមានដល់ទៅ៤៥៩នាក់ ជាថ្ងៃទីពីរហើយមានអ្នកឆ្លងច្រើនក្នុងរដ្ឋនេះ។ ជាមួយគ្នានេះដែរក៏មានករណីស្លាប់ ១០ នាក់ក្នុងរយៈពេល២៤ម៉ោង គឺជាចំនួនខ្ពស់ មិនធ្លាប់មាន។
មិនថា នៅក្នុងរដ្ឋVictoria ប្រទេសអូស្ត្រាលីនោះឡើយ នៅ៤០ប្រទេសផ្សេងទៀតមានករណីឆ្លងកូវីដ-១៩កើនឡើងទ្វេដង បើប្រៀបធៀបនិង១សប្តាហ៍កន្លងមក។ នៅពេលនេះមនុស្សគ្រប់រូបគឺត្រូវតែសម្រេចជោគវាសនានៃការស្លាប់រស់របស់ខ្លួន។
តាមតួលេខរបស់សារព័ត៌មានរ៉យទ័រ មានប្រទេសចំនួន៤០មានករណីឆ្លងកូវីដ-១៩ កើនឡើងទ្វេដង បើប្រៀបធៀបនឹង១សប្តាហ៍កន្លងមក ។ ប្រទេសដែលមានអ្នកឆ្លងច្រើនជាងគេគឺ អាមេរិក ,ប្រេស៊ីល និងឥណ្ឌា។ ក្រៅពីនេះនៅមានប្រទេសជាច្រើនទៀតមានករណីឆ្លងកើនឡើងខ្ពស់ ក្នុងនោះមានអូស្ត្រាលី, ជប៉ុន, ហុងកុង, ប៊ូឡាវី…ជាដើម៕ដោយ៖ធី រីណា
