សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ បញ្ជាការដ្ឋានកងរាជអាវុធហត្ថខេត្តព្រះសីហនុបានប្រាប់ឱ្យដឹងថា កាលពីវេលាម៉ោង ១៧:៣០នាទីល្ងាចថ្ងៃទី២៨ ខែកក្កដា ឆ្នាំ ២០២០ កងរាជអាវុធហត្ថបានចុះបង្ក្រាបករណីការជួញដូរ និងប្រេីប្រាស់សារធាតុញៀនខុសច្បាប់ដោយឃាត់ខ្លួនបានជនសង្ស័យចំនួន៨នាក់ នៅត្រង់ចំណុចក្រុម៤ ភូមិ៣ សង្កាត់១ ក្រុងព្រះសីហនុ។
ការចុះបង្ក្រាបករណីជួញដូរ និងប្រេីប្រាស់សារធាតុញៀននោះ ដឹកនាំដោយលោកវរសេនីយ៍ត្រី ឡុង គឹមហួរ ប្រធាន ការិយាល័យប្រឆាំងបទល្មេីសគ្រឿងញៀន ខេត្តព្រះសីហនុ សហការជាមួយកម្លាំងកងរាជអាវុធហត្ថស្នាក់ការសន្តិសុខទំនប់រលកផងដែរ។ សមត្ថកិច្ចបានឱ្យដឹងទៀតថា មនុស្សដែលឃាត់ខ្លួនបានចំនួន ៨នាក់ បានធ្វេីតេស្តរកសារធាតុញៀនរកឃេីញមានចំនួន៥នាក់ដែលប្រេីប្រាស់សារធាតុញៀន ហេីយក្នុងចំណោម ៥នាក់នោះធ្លាប់ជាប់ពន្ធនាគារចំនួន ២នាក់ទៀតផង ។
ជនសង្ស័យចំនួន៨នាក់នោះ រួមមាន៖
១. ឈ្មោះ សាន្ត ប្រុស ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ បច្ចុប្បន្នស្នាក់នៅសង្កាត់៤ ក្រុងព្រះសីហនុ ធ្លាប់ជាប់ពន្ធនាគាររយៈពេល១ឆ្នាំទើបតែចេញបាន២ខែ (មានសារធាតុញៀន)។
២. ឈ្មោះ ថោង សារ៉ាត់ ភេទប្រុស អាយុ៣២ឆ្នាំ ជនជាតិខ្មែរ មុខរបរលក់ធ្យូង បច្ចុប្បន្នស្នាក់នៅភូមិ៣ សង្កាត់១ ក្រុងព្រះសីហនុ ធ្លាប់ជាប់ពន្ធនាគាររយៈពេល២ឆ្នាំកន្លះ ទើបចេញបានមួយឆ្នាំ (មានសារធាតុញៀន)។
៣. ឈ្មោះ ថោង ថាន់ណាក់ ភេទប្រុស អាយុ១៦ឆ្នាំ ជនជាតិខ្មែរ មុខរបរបុគ្គលិកកាស៊ីណូ បច្ចុប្បន្នស្នាក់នៅភូមិ៣ សង្កាត់១ ក្រុងព្រះសីហនុ (មានសារធាតុញៀន) ។
៤. ឈ្មោះ ឯក វិច្ឆិកា ភេទប្រុស អាយុ៣៣ឆ្នាំ ជនជាតិខ្មែរ មុខរបររត់ម៉ូតូឌុប បច្ចុប្បន្នស្នាក់នៅក្រុម៤ ភូមិ៣ សង្កាត់១ ក្រុងព្រះសីហនុ (មានសារធាតុញៀន) ។
៥. ឈ្មោះ ឯក សុផាន់ណា ភេទប្រុស អាយុ២០ឆ្នាំ ជនជាតិខ្មែរ មុខរបររត់ម៉ូតូឌុប បច្ចុប្បន្នស្នាក់នៅក្រុម៤ ភូមិ៣ សង្កាត់១ ខេត្តព្រះសីហនុ (មានសារធាតុញៀន) ។
៦. ឈ្មោះ សរ សៀវលាង ភេទប្រុស អាយុ២០ឆ្នាំ ជនជាតិខ្មែរ មុខរបរបើកឡាន បច្ចុប្បន្នស្នាក់នៅភូមិ១ សង្កាត់១ ក្រុងព្រះសីហនុ(គ្មានសារធាតុញៀន) ។
៧. ឈ្មោះ ចិន ធី ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ បច្ចុប្បន្នភូមិ២ សង្កាត់១ក្រុងព្រះសីហនុ(គ្មានសារធាតុញៀន) ។
៨. ឈ្មោះ ថោង ចាន់ណាវី ភេទប្រុស អាយុ២៦ឆ្នាំ ជនជាតិខ្មែរ មុខរបររត់ម៉ូតូឌុប បច្ចុប្បន្នស្នាក់នៅភូមិ៣ សង្កាត់១ ក្រុងព្រះសីហនុ (គ្មានសារធាតុញៀន) ។
សមត្ថកិច្ចដកហូតវត្ថុតាងរួមមាន ៖
ម្សៅក្រាមសថ្លាចំនួន៤កញ្ចប់ទម្ងន់៦.០០ក្រាមទាំងសម្បក, ទូរស័ព្ទ ចំនួន៤គ្រឿង និងម៉ូតូ ចំនួន ១ គ្រឿង។
បច្ចុប្បន្នកម្លាំងជំនាញកំពុងបន្តនីតិវិធីនៅបញ្ជាការដ្ឋានកងរាជអាវុធហត្ថខេត្តព្រះសីហនុ៕ឆ្លាម សមុទ្រ
