សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ គ្រាប់ប្រភេទ១០៥មម. ចំនួន១គ្រាប់ត្រូវបានប្រជាពលរដ្ឋប្រទះឃើញនៅចំណុចចម្ការកៅស៊ូស្ថិតក្នុងភូមិបង្ហើយហួស ឃុំជាំក្រវៀន ស្រុកមេមត់ ខេត្តត្បូងឃ្មុំ ហើយបានរាយការណ៍ជូននគរបាលរដ្ឋបាលជាំក្រវៀន ចុះដាក់សញ្ញាគ្រោះថ្នាក់រួចហើយរាយការណ៍បន្តជូនអង្គភាពCMACដេីម្បីមានវិធានការការពារ បញ្ចៀសគ្រោះថ្នាក់ ។
លោកមេភូមិបង្ហើយហួសបានអះអាងថា គាត់ប្រទះឃើញក្បាលគ្រាប់១០៥មម. ចំនួន១គ្រាប់នៅចំណុចចម្ការកៅស៊ូស្ថិតក្នុភូមិបង្ហើយហួស ឃុំជាំក្រវៀន ស្រុកមេមត់ ខេត្តត្បូងឃ្មុំ នៅថ្ងៃទី៣១ ខែសីហា ឆ្នាំ២០២០ ។
ក្រោយពីបានទទួលព័ត៌មាននេះរួចមក សមត្ថកិច្ចប៉ុស្តិ៍នគរបាលរដ្ឋបាលជាំក្រវៀនបានចុះដាក់សញ្ញាគ្រោះថ្នាក់រួចហើយរាយការណ៍ជូនអង្គភាពCMAC។
សមត្ថកិច្ចបានអំពាវនាវដល់ប្រជាពលរដ្ឋថា បើបានឃើញគ្រាប់មិនទាន់ផ្ទុះមេត្តាកុំប៉ះពាល់ត្រូវរាយការណ៍ជូនសមត្ថកិច្ចដែលនៅជិតលោកអ្នកបំផុត៕ ដោយ ៖ វណ្ណៈ
