សារព័ត៌មាន នគរវត្ត តែងតែនាំមុខគេជានិច្ច
មានក្លិបជាច្រើនបានចាប់អារម្មណ៍លើខ្សែប្រយុទ្ធកូឡុំប៊ី Luis Suarez បន្ទាប់ពីឃើញពីទម្រង់លេងគួរឱ្យចាប់អារម្មណ៍របស់គាត់កាលពីរដូវកាលឆ្នាំ២០១៩-២០២០ នៅក្នុងក្របខ័ណ្ឌលំដាប់ទី២របស់អេស្ប៉ាញជាមួយក្លិប Real Zaragoza ។
កីឡាករវ័យ២២ឆ្នាំគឺមិនមានទំនាក់ទំនងជាមួយខ្សែប្រយុទ្ធក្រុមBarcelona ដែលមានឈ្មោះដូចគ្នានោះទេ។ មានក្លិបអេស្ប៉ាញជាច្រើនដូចជា Villarreal, Real Betis, Real Sociedad និង Granada សុទ្ធតែចាប់អារម្មណ៍ចង់បានកីឡាកររូបនេះ។
ឥឡូវនេះមានក្លិបចំនួន២មកពីព័រទុយហ្គាល់បានបង្ហាញចំណាប់អារម្មណ៍ផងដែរនៅពេលដែលក្លិប Benfica និង Sporting CP ត្រូវបានគេជឿជាក់ថាកំពុងព្យាយាមនាំយកកីឡាកររូបនេះទៅចូលរួមរៀងៗខ្លួន។Luis Suarez រកគ្រាប់បាល់បាន១៩គ្រាប់ និងបញ្ជូនបាល់ឲ្យមិត្តរួមក្រុមស៊ុតចំនួន៦ដងកាលពីរដូវកាលមុន ៕
ដោយ៖ភារៈ
