សារព័ត៌មាន នគរវត្ត តែងតែនាំមុខគេជានិច្ច
ខេត្តមណ្ឌលគិរី៖ នារសៀលថ្ងៃសុក្រទី០៩ ខែតុលា ឆ្នាំ២០២០ម្សិលមុិញ រដ្ឋបាលសាលាខេត្តមណ្ឌលគិរី បានរៀបចំពិធីប្រកាសចូលកាន់មុខតំណែង អភិបាលនៃគណៈអភិបាលក្រុងសែនមនោរម្យ និង ប្រកាសចូលកាន់មុខតំណែងនាយករដ្ឋបាលសាលាខេត្តមណ្ឌលគិរី ក្រោមអធិបតីភាពដ៏ខ្ពង់ខ្ពស់ លោក ម៉ែន ង៉ុយ ប្រធានក្រុមប្រឹក្សាខេត្ត លោក ស្វាយ សំអ៊ាង អភិបាលនៃគណៈអភិបាលខេត្ត លោក លោកស្រី សមាជិកក្រុមប្រឹក្សាខេត្ត លោក លោកស្រី អភិបាលរងខេត្ត មេបញ្ជាការកងកម្លាំងប្រដាប់អាវុធទាំងបី អភិបាលក្រុង ស្រុក និង លោក លោកស្រី ប្រធានមន្ទីរ អង្គភាពនានាជុំវិញខេត្ត ពិធីនេះប្រព្រឹត្តទៅនៅសាលប្រជុំក្រុមប្រឹក្សាខេត្តមណ្ឌលគិរី។
យោងតាមអនុក្រឹត្យរបស់រាជរដ្ឋាភិបាលត្រូវបានផ្ទេរភារកិច្ចលោក ឡុង វិបុល អភិបាលនៃគណៈអភិបាលក្រុងសែនមនោរម្យ អោយទៅបម្រេីការងារនៅសាលាខេត្តមណ្ឌលគិរី និង តែងតាំងលោក ហៀក សុផាន ជាអភិបាល នៃគណៈអភិបាលក្រុងសែនមនោរម្យ និងយោងតាមប្រកាសរបស់ក្រសួងមហាផ្ទៃ តែងតាំងលោក ស៊ន សារុន អោយកាន់មុខតំណែងជានាយករដ្ឋបាលសាលាខេត្តមណ្ឌលគិរី៕
ដោយ៖ សិលា
