សារព័ត៌មាន នគរវត្ត តែងតែនាំមុខគេជានិច្ច
រាជធានីភ្នំពេញ៖ថ្ងៃទី ២១ ខែតុលា ឆ្នាំ២០២០ – បន្ទាប់ពីការប្រកាសអំពីមូលនិធិគ្រោះទឹកជំនន់របស់ក្រុមហ៊ុន Smart Axiata កាលពីសប្ដាហ៍មុន នៅពេលនេះ ក្រុមហ៊ុន Smart Axiata បានចាប់ផ្ដើមប្រើប្រាស់ថវិកា ដែលមានការចូលរួមពីក្រុមហ៊ុនផ្ទាល់ផងនិងការបរិច្ចាគពីអតិថិជនរបស់ខ្លួនផង ដើម្បីចែកចាយកញ្ចប់អាហារ ដល់គ្រួសារចំនួន ២ពាន់គ្រួសារ ក្នុងខេត្តបន្ទាយមានជ័យ និងខេត្តបាត់ដំបង។
កញ្ចប់អាហារ រួមមានសរុប អង្គរ ២០ តោន មីកេស ត្រីខកំប៉ុង និងទឹកស៊ីអុីវ ដែលត្រូវបានផ្ដល់ជូនគ្រួសារនៅខេត្តទាំងពីរ អាចធ្វើបានដោយសារចិត្តសប្បុរស របស់អតិថិជនក្រុមហ៊ុន Smart ក្នុងការចួលរួមបរិច្ចាគ ដល់មូលនិធិសង្រ្គោះទឹកជំនន់ ដែលត្រូវបានបង្កើតឡើងដោយ ក្រុមហ៊ុន Smart Axiata កាលពីថ្ងៃព្រហស្បតិ៍ សប្ដាហ៍មុន។
អតិថិជនអាចបន្តគាំទ្រដល់អ្នករងគ្រោះដោយសារទឹកជំនន់ ដោយគ្រាន់ចុច *2020*50# និង *2020*100# ហើយចុចបញ្ចូនលើទូរស័ព្ទដៃរបស់ពួកគេ ដើម្បីបរិច្ចាគ 50 សេន ឫ ១ ដុល្លារ ។ ចំពោះថវិកាបរិច្ចាគទៅកាន់មូលនិធិនេះ ក្រុមហ៊ុន Smart បានចូលរួមបរិច្ចាគស្មើនឹងចំនួនដែលអតិថិជនបរិច្ចាគដែរ រហូតដល់ ២០ ម៉ឺនដុល្លារ ផងដែរ។ ចាប់តាំងពី មូលនិធិត្រូវបានប្រកាស ក្រុមហ៊ុន Smart ទទួលបានថវិកាចំនួន ២ ម៉ឺនដុល្លារ ដែលជាថវិការៃអង្គាសពីអតិថិជនរបស់ខ្លួនផងនិងក្រុមហ៊ុនក៏បានដាក់បញ្ចូលថវិកាចំនួន ២ មុឺនដុល្លារផងដែរ។
លោក ថូម៉ាស ហ៊ុន (Thomas Hundt) នាយកប្រតិបត្តិក្រុមហ៊ុន Smart Axiata បានមានប្រសាសន៍ថា៖ «លំហូរនៃការគាំទ្រ និងសាមគ្គីភាពក្នុងរយៈពេលប៉ុន្នានថ្ងៃចុងក្រោយនេះពិតជាគួរឱ្យស្ញប់ស្ញែងណាស់។ សាមគ្គីភាពរបស់អតិថិជនជំរុញឱ្យយើងបន្តសកម្មភាពសប្បុរស និងធ្វើការយ៉ាងជិតស្និទ្ធជាមួយអាជ្ញាធរពាក់ព័ន្ធ ដើម្បីធានាថាថវិកាដែលបានបរិច្ចាគពីអតិថិជនរបស់យើងនឹងទៅដល់ជនរងគ្រោះ ដែលកំពុងត្រូវការជំនួយទាំងអស់នេះបំផុត។»
លោក ថូម៉ាស បានបន្ថែមទៀតថា៖ «ចាប់តាំងពីទឹកជំនន់ផ្ដើមក្នុងប្រទេសកម្ពុជា បុគ្គលិកក្រុមហ៊ុន Smart បានធ្វើការយ៉ាងសកម្ម ហើយនៅពេលខ្លះពួកគេក៏ស្ថិតក្នុងស្ថានភាពគ្រោះថ្នាក់ផងដែរ ដើម្បីធានាឲ្យបានថាប្រព័ន្ធទូរស័ព្ទចល័ត និងអិុនធឺណិតមិនត្រូវបានរំខាន។ ខ្ញុំសូមថ្លែងអំណរគុណយ៉ាងជ្រាលជ្រៅ ដល់ក្រុមការងាររបស់យើង ដែលបានបំពេញការងារហួសពីការរំពឹង ក្នុងពេលវេលាដ៏លំបាកនេះ ដើម្បីផ្តល់នូវគុណភាពបណ្តាញ ដែលចាំបាច់សម្រាប់កិច្ចខិតខំប្រឹងប្រែងជួយសង្រ្គោះអ្នករងគ្រោះដោយសារទឹកជំនន់ នាពេលនេះ។»
បើយោងតាម គណៈកម្មាធិការជាតិគ្រប់គ្រងគ្រោះមហន្តរាយ ខេត្តបន្ទាយមានជ័យ បន្តរងផលប៉ះពាល់យ៉ាងធ្ងន់ធ្ងរ ទោះបីកម្រិតទឹកបានស្រកចុះទៅវិញនៅតាមបណ្តាខេត្តជិតខាង និងនៅទូទាំងប្រទេសកម្ពុជា ក៏ដោយ។ យ៉ាងហោចណាស់ ប្រជាពលរដ្ឋ ១៥ នាក់ ក្នុងខេត្តបន្ទាយមានជ័យស្លាប់ ដោយសារគ្រោះទឹកជំនន់ ។ ហើយ ហេដ្ឋារចនាសម្ព័ន្ធរួមមាន ផ្ទះសំបែង មណ្ឌលសុខភាព សាលារៀន និងផ្លូវថ្នល់ ត្រូវបានខូចខាត។
ឯកឧត្ដម គឹង វណ្ណះ អភិបាលរងខេត្តបន្ទាយមានជ័យ បានមានប្រសាសន៍ថា ភូមិទាំងប្រាំមួយនៅក្នុងឃុំថ្មពួក ព្រមទាំងគ្រួសារចំនួន បួនពាន់គ្រួសារបានរងប៉ះពាល់ដោយគ្រោះធម្មជាតិនេះ។ មូលនិធិសង្រ្គោះទឹកជំនន់គឺជាសកម្មភាពដែលល្អមួយ ហើយបានបង្ហាញនូវសារៈសំខាន់នៅការផ្សារភ្ជាប់រវាងស្ថាប័នឯកជននិង ស្ថាប័នរដ្ឋ ជាពិសេសក្នុងគ្រាអាសន្ន។ កញ្ចប់អាហារដែលបានបរិច្ចាគថ្ងៃនេះ បូកបន្ថែមជាមួយនឹងអំណោយរបស់ស្ថាប័នផ្សេងទៀតនឹងជួយកាត់បន្ថយការពិបាករបស់ប្រជាជនយើង។
លោកស្រី ហួន សាលី ពលរដ្ជរងគ្រោះទឹកជំនន់ក្នុងស្រុកសង្កែ ខេត្តបាត់ដំបងបានថ្លែងថា កញ្ចប់អាហាររបស់មូលនិធីគ្រោះទឹកជំនន់របស់ក្រុមហ៊ុនស្មាតគឺពិតជាបានជួយគាត់និងគ្រប់គ្រួសារក្នុងពេលលំបាកនេះ។ គាត់ពិតជាមានភាពត្រេកអរណាស់សម្រាប់ជំនួយការរបស់ក្រុមហ៊ុនស្មាត និងអតិថិជនរបស់ខ្លួន ដោយសារតែផ្ទះរបស់គាត់ត្រូវបានបំផ្លាញដោយទឹកជំនន់ ហើយគាត់ត្រូវបានជំលៀសទៅទីកន្លែងសុវត្ថិភាពបណ្ដោះអាសន្ន។
សម្រាប់ព័ត៌មានបន្ថែម និងព័ត៌មានថ្មីៗបំផុតអំពី ក្រុមហ៊ុន Smart Axiata សូមតាមដានទំព័រហ្វេស ប៊ុករបស់ Smart តាមរយៈ www.facebook.com/SmartForCambodia ឬចូលទៅកាន់គេហទំព័រ www.smart.com.kh ។
អំពីក្រុមហ៊ុន Smart
ក្រុមហ៊ុន Smart Axiata Co., Ltd. ជាប្រតិបត្ដិករទូរគមនាគមន៍ចល័តឈានមុនគេក្នុងព្រះរាជាណាចក្រកម្ពុជា។ បច្ចុប្បន្នក្រុមហ៊ុនបាននឹងកំពុងបម្រើអតិថិជនចំនួន ៨ លាននាក់ស្ថិតក្រោមស្លាកសញ្ញា “Smart”។ Smart Axiata គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនមេ មានឈ្មោះថា “Axiata Group Berhad” ដែលជាក្រុមហ៊ុនផ្ដល់សេវាទូរគមនាគមន៍ធំជាងគេបង្អស់មួយក្នុងទ្វីបអាស៊ី។ ក្រុមហ៊ុន Smart គឺជាប្រតិបត្តិករទូរគមនាគមន៍ចល័តដែលមានភាពឈានមុខគេបង្អស់ផ្នែកសេវាបច្ចេកវិទ្យាទំនើបទាន់សម័យក្នុងព្រះរាជាណាចក្រកម្ពុជា។ ក្រុមហ៊ុន Smart គឺជាប្រតិបត្ដិករដំបូងបង្អស់ដែលបានដាក់ឲ្យដំណើរការសេវាបច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ក្នុងឆ្នាំ២០១៦ បច្ចេកវិទ្យា 4G+ជាមួយ HD Voice (VoLTE) និង 4.5Gក្នុងឆ្នាំ២០១៧។ នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បងបច្ចេកវិទ្យាជំនាន់ទី៥ “5G” ដំបូងគេបង្អស់នៅកម្ពុជាដោយបង្ហាញពីភាពជាអ្នកដឹកនាំផ្នែកសេវាទិន្នន័យចល័ត។ ក្រុមហ៊ុន Smart ក៏មានផ្ដល់នូវបច្ចេកវិទ្យាទូរស័ព្ទចល័តដ៏សម្បូរបែបរូមមាន៖ សេវាបច្ចេកវិទ្យា 2G, 2.5G, 3G និង3.75G ក៏ដូចជាសេវាកម្មទូរស័ព្ទក្រៅប្រទេស (Roaming) ដែលអាចប្រើបានច្រើនជា១៩០ប្រទេស។ Smart បាននឹងកំពុងផ្តល់សេវាគ្របដណ្តប់ក្នុងតំបន់ប្រជាសាស្ត្រច្រើនជាង៩៩% (កៅសិបប្រាំបួន) ភាគរយ នៅទូរទាំងព្រះរាជាណាចក្រកម្ពុជា ។ ក្រុមហ៊ុនក៏កំពុងបម្លែងខ្លួនយ៉ាងសកម្មទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកំសាន្ដលក្ខណៈស៊ីវិល័យប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូជាមួយភាគីអន្តរជាតិនានាដូចជា៖ ក្រុមហ៊ុន Universal Music ក្រុមហ៊ុន Apple និង ក្រុមហ៊ុន Facebook ក៏ដូចជាសេវាកម្មឌីជីថលនានា រួមមាន៖ សេវាធានារ៉ាប់រងជីវិតឆ្លាតវ័យ សេវា SmartPay សេវា Pleng by Smart សេវា GigaGigs by Smart និងសេវា SmartNas ។ ក្រុមហ៊ុន Smart មានទស្សនៈវិស័យក្លាយជាក្រុមហ៊ុន “លេខ១ និងជាក្រុមហ៊ុនបច្ចេកវិទ្យាទូរគមនាគមន៍ដែលទទួលបានកី្ដស្រលាញ់ពេញចិត្តបំផុត”នៅព្រះរាជាណាចក្រកម្ពុជាត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់លើកិច្ចការងារសង្គម និងកម្មវិធីនិរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។ ក្រុមហ៊ុន Smart មានបុគ្គលិកនិយោជិតសរុបប្រមាណជាង១,០០០ (មួយពាន់)នាក់ ក្នុងនោះរួមបញ្ចូលទាំងនិយោជិតក្នុងស្រុក និងនិយោជិតបរទេសដែលកំពុងខិតខំប្រឹងប្រែងឆ្ពោះទៅសម្រេចបេសកកម្មរួមគ្នាក្នុងការផ្សារភ្ជាប់ និង ធ្វើអោយជីវិតកាន់តែប្រសើរឡើង។ Smart ជីវិតរស់រវើក!
ក្រុមហ៊ុន Smart Axiata Co., Ltd.
No. 464A, មហាវិថីព្រះមុនីវង្ស, ទន្លេបាសាក់, ខណ្ឌចំការមន, ភ្នំពេញ, កម្ពុជា
ទូរស័ព្ទ: +855 10 201 000
www.smart.com.kh
សម្រាប់ព័ត៌មានបន្ថែម សូមទាក់ទង
លោក គាំ ទីវា
ទូរស័ព្ទ៖ +855 10 202 271
អីុមែ៉ល៖ koam.tivea@smart.com.kh
