បន្ទាប់ពីជាប់ឆ្នោត លោក បៃឌិននឹងត្រូវធ្វើអ្វីបន្តទៀត?

លោកបៃឌិនបានបញ្ជាក់ថា​ រដ្ឋាភិបាលរបស់លោកនឹងបង្កើតឡើង​តាមមូលដ្ឋាននៃវិទ្យាសាស្ត្រ និងរួមគំនិតការយកចិត្តទុកដាក់។ លោកបៃឌិនក៏បានអំពាវនាវ​ដល់ក្រុមអ្នកគាំទ្រលោកត្រាំថា សូមផ្តល់ឱកាសដល់គ្នាម្នាក់ម្តង​។
នៅពេលនេះអ្វីដែលលោកបៃឌិនត្រូវធ្វើដំបូងគេបង្អស់នោះគឺបង្កើតក្រុមទទួលបន្ទុកយុទ្ធនាការប្រឆាំងកូវីដ​-១៩ ដែលមានសមាជិក​១២នាក់ ហើយការបង្កើតនោះត្រូវធ្វើឡើងនៅថ្ងៃចន្ទ ទី​៩ខែវិច្ឆិកា (ពេលវេលាអាមេរិក)។
គណៈកម្មការប្រឆាំងកូវីដ​-១៩ របស់លោក បៃឌិនដឹកនាំដោយមនុស្ស​៣រូប​គឺ ឧត្តមសេនីយ៍Vivek Murthy (អតីតគ្រូពេទ្យវះកាត់) ទីពីរគឺ អតីតប្រធានគ្រប់គ្រងឱសថអាមេរិក David Kessler និង បណ្ឌិត Marcella Nunez-Smith មកពីមហាវិទ្យាល័យYale ។
នៅក្នុងសុន្ទរកថាដំបូងបង្អស់ ក្រោយជាប់ឆ្នោត ​លោកបៃឌិនបញ្ជាក់ថា នឹងចាប់ផ្តើមការងារ​ដោះស្រាយបញ្ហាឆ្លងរាលដាលកូវីដ​-១៩ ។ លោកបន្តទៀតថា «យើងនឹងស្តាសេដ្ឋកិច្ចប្រទេសជាតិ ការរស់នៅជួបជុំសប្បាយរីករាយ កម្មវិធីខួបកំណើត អាពាហ៍ពិពាហ៍ ពិធីចែកសញ្ញាបត្រ… យើងអាចធ្វើទៅបានលុះត្រាតែគ្រប់គ្រងជំងឺឆ្លងកូវីដ​-១៩ជាមុនសិន»។
បច្ចុប្បន្នអាមេរិកមានអ្នកឆ្លងកូវីដ​១៩ ជាង​១០,១ លាននាក់ និងមានអ្នកស្លាប់កើនឡើងជាង ២៤៣ពាន់នាក់។ នោះជាការបាត់បង់យ៉ាងធំធេងរបស់អាមេរិក ។ ទាំងនោះហើយទើបលោកបៃឌិនសម្រេចទប់ស្កាត់កូវីដ​-១៩​ជាមុន​៕ដោយ៖ធី រីណា