សារព័ត៌មាន នគរវត្ត តែងតែនាំមុខគេជានិច្ច
ប្រធានាធិបតីអាមេរិក ដូណាល់ ត្រាំ បានប្រកាសលក់ឧទ្ធម្ភាគចក្រ ប្រភេទ S76 ក្នុងតម្លៃពី៨០ម៉ឺន ដល់១លានដុល្លារអាមេរិក។
តាមសារព័ត៌មាន Forbes លោកត្រាំប្រកាសលក់ឧទ្ធម្ភាគចក្រផ្ទាល់ខ្លួន ដែលលោកទិញនៅឆ្នាំ ២០១៦ ក្នុងតម្លៃ 875.000 USD នេះមិនទាន់គិតដល់តម្លៃកែទម្រង់បន្ថែមធ្វើឲ្យស្អាតផងទេ។
គ្រឿងសង្ហារិមនៅខាងក្នុងឧទ្ធម្ភាគចក្រពិតជាទំនើប មានប្រព័ន្ធកាត់បន្ថយសំឡេងរំខានខ្ពស់ ឧទ្ធម្ភាគចក្រនោះដឹកបានមនុស្ស ៦នាក់។ ឧទ្ធម្ភាគចក្រខាងលើ មានលេខសម្គាល់ N76DT ហើយបានចូលរួមជាមួយលោកត្រាំនៅក្នុងឆ្នាំ២០១៦ ពេលឃោសនាបោះឆ្នោតប្រធានាធិបតី។
តាមឯកសារ លោកត្រាំ មានឧទ្ធម្ភាគចក្រ៣គ្រឿង ប្រភេទ S76-B យន្តហោះធុនតូចCessna Citation X និងយន្តហោះ Boeing 757 ដែលលោកត្រាំតែងតែប្រើប្រាស់សម្រាប់ឃោសនាបោះឆ្នោតកាលពីឆ្នាំ២០១៦៕ដោយ៖ធី រីណា
