សារព័ត៌មាន នគរវត្ត តែងតែនាំមុខគេជានិច្ច
បច្ចេកវិទ្យា៖ បច្ចុប្បន្ននេះ មនុស្សយើងជាច្រើនបាននិងកំពុងប្រើបណ្តាញសង្គម Facebook ដើម្បីចែករំលែកបទពិសោធន៍របស់ពួកគេ, ដោយភ្ជាប់ទំនាក់ទំនងជាមួយមិត្តភក្តិ និងក្រុមគ្រួសារ ក៏ដូចជាកសាងសហគមន៍នានាផងដែរ។ មិនតែប៉ុណ្ណោះ Facebook ក៏ជាកន្លែងដែលមនុស្សមានអារម្មណ៍ថា មានសិទ្ធិអំណាចក្នុងការប្រាស្រ័យទាក់ទង ហើយ Facebook យកចិត្តទុកដាក់យ៉ាងខ្លាំងក្នុងការការពារការរំលោភបំពានផ្សេងៗ នៅលើបណ្តាញសង្គមរបស់ខ្លួន។ ដូច្នេះហើយបានជា Facebook ច្បាប់ Community Standards ដែលបញ្ជាក់ពីអ្វីដែលមិនត្រូវបានអនុញ្ញាតឲ្យធ្វើនៅលើនោះ។
ជាក់ស្តែង ទង្វើមួយចំនួន ក៏ដូចជាពាក្យពេជន៍ខ្លះ ត្រូវបាន Facebook ហាមឃាត់មិនឲ្យមានលើបណ្តាញសង្គមរបស់ខ្លួនដោយ ផ្អែកតាមមូលហេតុដូចជា គោរពសិទ្ធិអ្នកដទៃ និងលុបបំបាត់ការរំលោភបំពានផ្សេងៗ។ ក្នុងនោះ ប្រសិនបើអ្នកហ៊ាន Comment ពាក្យ “Send Nude” (ដែលមានន័យចង់ឲ្យគេផ្ញើរូបអាក្រាតឲ្យអ្នក) នោះ Facebook នឹងលុបវាចោលដោយស្វ័យប្រវត្តិ ហើយលោតសារព្រមានអ្នកភ្លាមៗថា នឹងBlock គណនីរបស់អ្នក ប្រសិនបើនៅតែហ៊ានធ្វើវាម្តងទៀត។
ជាមួយគ្នានេះ ចំពោះទង្វើខុសឆ្គងមួយចំនួនដែលអាចឈានដល់ការបិទទំព័រ(Page) និងគណនី (Account) ដែលអ្នកមិនគួរបង្ហោះលើ Facebook មានដូចជាខាងក្រោម៖
ទី១៖ រូបភាពអាក្រាតរបស់កុមារ សូម្បីតែរូបដែលបង្ហោះដោយឪពុកម្ដាយ
ទី២៖ រូបភាពបង្ហាញពីដើមទ្រូងនារីដែលគ្មានការបិទបាំង (ប៉ុន្តែមានការលើកលែងចំពោះការផ្សព្វផ្សាយពីយុទ្ធនាការ ឬ ការបំបៅដោះទារក)
ទី៣៖ ការបង្ហោះសារដែលចេញមុខនិយាយថាជនរងគ្រោះនៃសោកនាដកម្មណាមួយជាមនុស្សកុហកបន្លំខ្លួនធ្វើជាជនរងគ្រោះ
ទី៤៖ ការបង្ហោះសារសារភាពទោសឧក្រិដ្ឋកម្មរបស់ខ្លួន
ចង់ទិញ ឬ លក់គ្រឿងញៀន ឬថ្នាំមិនស្របច្បាប់ដទៃទៀត
ទី៥៖ ការបង្ហោះសារវាយប្រហារនរណាម្នាក់
ទី៦៖ រូបភាពគូថដែលគ្មានអ្វីបិតបាំង និងសារដែលញុះញង់ឲ្យមានការប្រើហិង្សាព្រោះតែលទ្ធផលនៃការបោះឆ្នោត៕
