សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានករណីគ្រោះថ្នាក់ចរាចរណ៍មួយដែលបង្កដោយម៉ូតូមួយគ្រឿងបុកជាមួយរ៉ឺម៉កកង់បីបណ្តាលឲ្យបុរសម្នាក់រងរបួសធ្ងន់។
ហេតុការណ៍គ្រោះថ្នាក់ចរាចរណ៍នេះកើតហេតុកាលពីវេលាម៉ោង៧និង៣០នាទីព្រឹកថ្ងៃទី២៦ ខែធ្នូ ឆ្នាំ២០២០ ស្ថិតនៅតាមបណ្តោយផ្លូវមហាវិថីឈ្នះ ឈ្នះ ក្នុងភូមិកប់ស្រូវធំ សង្កាត់គោករកា ខណ្ឌព្រែកព្នៅ រាជធានីភ្នំពេញ។
តាមប្រភពព័ត៌មាននៅទីតាំងកន្លែងកើតហេតុបានឲ្យដឹងថាមុនពេលកើតហេតុមានបុរសម្នាក់ជាជនរងគ្រោះបានបើកបរម៉ូតូមួយគ្រឿងម៉ាកសង់សេ១២៥ស៊េរីឆ្នាំ២០១៨ ពាក់ស្លាកលេខ កំពង់ឆ្នាំង 1H-2905 ក្នុងល្បឿនលឿន ធ្វើដំណើរក្នុងទិសដៅពីលិចទៅកើត លុះមកដល់ចំណុចកើតហេតុបានបុកពេញទំហឹង ជាមួយម៉ូតូរ៉ឺម៉កកង់បីមួយគ្រឿងពាក់ស្លាកលេខ ភ្នំពេញ 1BX-3705 បានបើកឆ្លងផ្លូវពីត្បូងទៅជើង បណ្តាលឲ្យភាគីខាងម៉ូតូរងរបួសធ្ងន់ត្រូវបញ្ជូនទៅសង្រ្គោះភ្លាមៗនៅមន្ទីរពេទ្យ។
ក្រោយកើតហេតុសមត្ថកិច្ចមូលដ្ឋានបានចុះដល់ទីតាំងកន្លែងកើតហេតុវាស់វែងយកសម្ភារទាំងសងខាងរក្សាទុកដើម្បីរង់ចាំការដោះស្រាយនៅពេលក្រោយ៕
ដោយ៖និន សុភ័ស្ត
