សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមាមជ័យ៖ គួរឲ្យសង្វេកប្អូនស្រី តឿម សេរី រស់នៅភូមិសាយសាម៉ន ឃុំចំណោម ស្រុកមង្គលបូរី ជាស្ត្រីមេម៉ាយប្រកបមុខរបដាក់អង្គប់យកកណ្ដុរលក់ដើម្បីចិញ្ចឹមជីវភាព។នាងបានរៀបរាប់ទាំងទឹកភ្នែករលីងរលោងថា៖នាងពីមុនមានប្តី បច្ចុប្បន្នបានទៅធ្វើការនៅឯប្រទេសថៃ កាលពីមុនប្តីរបស់នាងតែងបានផ្ញើប្រាក់កាក់បន្តិបន្តួចមកចិញ្ចឹមកូន ។តែឥឡូវនេះប្តីរបស់នាងគេលែងគិតគូរពីនាងនិងកូនប្រុសតូចចំនួន០២នាក់រួមទាំងលោកយាយចាស់ជរា០១នាក់ ដែលមានវ័យរហូតដល់១០១ឆ្នាំ
ទៀតហើយដោយបន្ទុកធ្លាក់លើរូបប្អូនស្រីធ្ងន់ធ្ងរខ្វះទីពឹង ព្រោះតែលោកប្ដីគេមានប្រពន្ធថ្មីនៅឯប្រទសថៃ លែងគិតគូរនាងដែលជាប្រពន្ធដើម ។
នាងបានបញ្ជាក់ថា៖ដើម្បីរកចំណូលចិញ្ចឹមកូនតូចៗ០២នាក់និងជីដូនចាស់ជរា០១នាក់ នាងបាននាំកូនប្រុសច្បងមានអាយុ០៣ឆ្នាំ ដើរដាក់អង្គប់កណ្តុរតាមវាលស្រែនៅពេលយប់គ្រាន់
បានលក់ជួនកាលយប់ខ្លះបាន៥,០០០រៀល យប់ខ្លះក៏បាន១០,០០០រៀល ទិញអង្ករ និងទិញថ្នាំលេប នៅពេលនេះកូនទី០២របស់នាងកំពុងតែមានជំងឺ តែនាងគ្មានលុយសម្រាប់ទិញថ្នាំឲ្យកូនៗធ្វើឲ្យវិបិត្តកាន់តែធ្លាក់មកលើរូបនាងកាន់តែធ្ងន់ក្នុងគ្រួសារមួយនេះ។
ជាមួយគ្នានោះដែរនាងក៏ដូចលោកយាយ គឹម ឡាត់បានអំពាវនាវដល់សប្បុរសជន សូមមេត្តាជួយដល់រូបនាងនិងកូន និងលោកយាយដែលមានវ័យចាស់ជរាវ័យដល់ទៅ១០១ឆ្នាំ ជាថវិកា សម្ភារ ពិសេសនាងចង់បានផ្ទះ០១ខ្នងនៅសមរម្យ ព្រោះផ្ទះដែលនាងនៅបច្ចុប្បន្នធ្លុះធ្លាយអស់មើលឃើញផ្កាយនិងដំណក់ទឺកភ្លៀងនៅរដូវវស្សាកំព្រាទាំងចិត្ត កំព្រាទាំងកាយ ស្វាមីរត់ទៅមានស្រីថ្មី មើលទៅសរសផ្ទះរស្ទើរតែនឹងរលំដួល ។
បងប្រុសលី ជឿយ ជាមេភូមិសាយសាម៉ន បានបញ្ជាក់ថា៖គ្រួសារប្អូនស្រីតឿម សេរីនិងលោកយាយ គឺម ឡាត់ នេះ ពិតជាមានជីវភាពទីទាល់ពិតមែន បច្ចបុប្បន្នជំហរលើប្អូនស្រីតឿម សេរី ដើរដាក់អង្គប់កណ្តុរបានកណ្តុរ១គ.ក្រ,០២គ.ក្រ លក់បាន៥,០០០ ឬ ១០,០០០រៀល គ្រាន់បានទិញអង្ករហូប ។ក្នុងនាមអាជ្ញាធរភូមិ សូមអំពាវនាវដល់សប្បុរសជន សូមមេត្តាជួយជាថវិកា គ្រឿងបរិភោគ សម្រាប់ភារៈផ្សេងៗដល់គ្រួសារប្អូនស្រីដើម្បីសម្រាលទុក្ខលំបាកដល់គ្រួសារនេះផង ៕ដោយ៖វណ្ណា
