សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន ៖ រថយន្តដឹកទំនិញមួយគ្រឿង ខណៈម្ចាស់បើកបរសុខៗលើដងផ្លូវ ស្រាប់តែធ្លាយធុងហ្គាសម៉ាស៊ីនត្រជាក់ បង្កជាអណ្តាតភ្លើងឆេះសន្ធោរសន្ធៅធ្វើឱ្យម្ចាស់បើកទ្វាររថយន្តចេញស្ទើរតែមិនទាន់ ។
ហេតុការណ៍នេះបានកើតឡើង កាលពីម៉ោង១និង៤០នាទីរសៀល ថ្ងៃទី៣០ ខែមករា ឆ្នាំ២០២១ ស្ថិតនៅលើបណ្តោយផ្លូវជាតិលេខ៥៧ ក្នុងភូមិដីក្រហម សង្កាត់អូតាវ៉ៅ ក្រុងប៉ៃលិន ខេត្តប៉ៃលិន ។
ប្រភពព័ត៌មានបានឱ្យដឹងថា មុនពេលកើតហេតុ គេឃើញបុរស
ម្នាក់បើកបររថយន្តដឹកទំនិញរថយន្តដែលត្រូវភ្លើងឆាបឆេះ (ម៉ាក COMC SHEN ZHEN ពណ៌ស ពាក់ស្លាកលេខ ភ្នំពេញ 3F-1059) មិនស្គាល់អត្តសញ្ញាណជាន់ហ្វ្រ័ងយ៉ាងប្រញាប់ឈប់នៅលើដងផ្លូវ ហើយស្រែកឱ្យអ្នកភូមិជួយ ខណៈរថយន្តរបស់ខ្លួនមានការធ្លាយហ្គាសម៉ាស៊ីនត្រជាក់ បង្កហេតុជាអណ្តាតភ្លើងឆាបឆេះ ។
ប្រភពបន្តទៀតថា ក្រោយមកក៏បានទាក់ទងទៅខាងកម្លាំងការិយាល័យបង្ការពន្លត់អគ្គិភ័យ និងសង្គ្រោះ ដើម្បីដឹកនាំកម្លាំងអធិការដ្ឋាននគរបាលក្រុងប៉ៃលិន ចេញប្រតិបត្តិការពន្លត់ដោយប្រើប្រាស់រថយន្តពន្លត់អគ្គិភ័យចំនួន០៤គ្រឿង ។តែមិនបណ្ដាលឲ្យមានគ្រោះថ្នាក់ដល់អ្នកបើកបររថយន្ត និងប្រជាពលរដ្ឋធ្វើដំណើរតាមដងផ្លូវឡើយ ។ ទម្រាំតែរថយន្តពន្លត់អគ្គិភ័យមកជួយពន្លត់ទាន់ពេលវេលា បណ្តាលឱ្យឆេះអស់ស្ទើរទាំងស្រុងតែម្តង ៕
ដោយ៖ជ្រោយពេជ្រ
