សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នារីរូបស្រស់ម្នាក់ដែលគេស្គាល់ថាជាតារាសម្តែង និងជាតារាទិកតុកផង នោះមិនដឹងជាមានវិបត្តិអ្វីទេ បានមកបញ្ចប់ជីវិតខ្លួនឯងដោយលោតទឹកសម្លាប់ខ្លួន តែមិនបានសម្រេចឡើយព្រោះត្រូវបានប្រជាពលរដ្ឋជាអ្នកដំណើរជួយឃាត់ទាន់ពេល។
ហេតុការណ៍នេះបង្កឲ្យមានការភ្ញាក់ផ្អើលនៅវេលាម៉ោង១១និង៤០នាទីយប់ថ្ងៃសុក្រទី ១២ ខែកុម្ភៈឆ្នាំ ២០២១ នៅលើស្ពានជ្រោយចង្វា ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
ប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុនារីរូបស្រស់បានជិះឡំប្រឺតាទៅផ្ទះដោយធ្វើដំណើរឆ្លងកាត់តាមស្ពានជ្រោយចង្វា ហើយមើលទៅរូបនាងហាក់ដូចជាមានវិវបត្តិអ្វីមួយ… ស្រាប់តែមកដល់កន្លែងកើតហេតុនាងក៏បានឱ្យអ្នកបើកឡំប្រឺតាឈប់រួចចុះរត់សំដៅទៅលោតពីលើស្ពានជ្រោយចង្វា តែត្រូវបានប្រជាពលរដ្ឋជួយឃាត់ទាន់ពេល និងបានទំនាក់ទំនងហៅសាច់ញាតិឲ្យមកទទួល។
បន្ទាប់ពីកើតហេតុក្រុមគ្រួសារក៏បានមកដល់និយាយលួងលោម រួចនាំរូបនាងត្រឡប់ទៅផ្ទះវិញ៕ ជ្រោយពេជ្រ
