សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អគ្គិសនីកម្ពុជា នៅថ្ងៃសៅរ៍ ១៥រោច ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៣ ខែមីនា ឆ្នាំ២០២១នេះ សូមធ្វើការផ្អាកការផ្គត់ផ្គង់ចរន្តអគ្គិសនីដែលមាន ក្នុងសេចក្តីជូនដំណឹង ស្ថិតនៅតំបន់ភ្លើងលេខ P108, P1774, P1988, P2791 ក្នុងសង្កាត់ស្វាយប៉ាក ខណ្ឌឫស្សីកែវ និងតំបន់ភ្លើងលេខ ១៨៨៧, P2673, P2831 ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ។
សូមជម្រាបថា ដោយសារការរំកិលបង្គោលខ្សែបណ្ដាញតង់ស្យុងទាប(LV) និងខ្សែបណ្ដាញតង់ស្យុងមធ្យម(MV) ប៉ះការដ្ឋានពង្រីកផ្លូវ មិនទាន់រួចរាល់ ទើបធ្វើឲ្យការភ្ជាប់ចរន្តអគ្គិសនីមានភាពយឺតយ៉ាវបន្តិច។
បច្ចុប្បន្នក្រុមការងារបច្ចេកទេសកំពុងខិតខំប្រឹងប្រែងបំពេញការងារនេះ ដើម្បីធ្វើការភ្ជាប់ចរន្តអគ្គិសនីជូនអតិថិជនឲ្យមានចរន្តប្រើប្រាស់ឡើងវិញនៅមុនវេលាម៉ោង១៨:០០នាទីល្ងាច។
អាស្រ័យហេតុនេះ សូមសម្តេច ទ្រង់ឯកឧត្តម លោកជំទាវ អ្នកឧកញ៉ា លោក លោកស្រី មេត្តាជ្រាបជាព័ត៌មាន៕
ដោយ៖សហការី
