សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរស២នាក់បានរងរបួសធ្ងន់ ហេីយត្រូវរថយន្តសង្គ្រោះបន្ទាន់របស់មន្ទីរពេទ្យឯកជនដឹកយកទៅសង្គ្រោះភ្លាមៗ បន្ទាប់ពីជិះម៉ូតូទៅបុកនិងម៉ូតូមួយគ្រឿងទៀតមិនចាំម៉ាកហេីយផ្លោងទៅបុករថយន្ត មួយគ្រឿងបន្ថែមទៀត កាលពីវេលាម៉ោង ៨ និង១០នាទីយប់ថ្ងៃទី១០ ខែមេសា ឆ្នាំ២០២១ នៅតាមបណ្តោយផ្លូវបេះដូងព្រៃសរ ក្នុងភូមិថ្មី សង្កាត់ដង្កោខណ្ឌដង្កោ រាជធានីភ្នំពេញ។
បេីតាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេឃេីញបុរស២នាក់ជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០២០ ពណ៌ខ្មៅ ពាក់ស្លាកលេខភ្នំពេញ 1HZ-9200 តាមផ្លូវបេតុងព្រៃស ទិសដៅពីកើតទៅលិច លុះមកដល់ចំណុចកើតហេតុក៏បានបុកជាមួយម៉ូតូមួយគ្រឿងទៀតមិនចាំម៉ាកដែលធ្វេីដំណេីរបញ្ច្រាសទិសគ្នាពេញទំហឹងបណ្ដាលឱ្យម៉ូតូជនរងគ្រោះផ្លោងទៅបុកជាមួយនឹងរថយន្ត ឡិចសុីសRX300 មួយគ្រឿងទៀត ពណ៌ស ពាក់ស្លាកលេខភ្នំពេញ 2AK -5263 កំពុងធ្វេីដំណេីរតាមផ្លូវបណ្ដាលឲ្យបុរស២នាក់រងរបួសធ្ងន់ ។ ភ្លាមៗភាគីម៉ូតូមួយគ្រឿងដែលត្រូវជនរងគ្រោះបុកបានលេីកម៉ូតូជិះគេចបាត់ស្រមោល ។
ក្រោយកេីតហេតុ ប្រជាពលរដ្ឋដែលនៅក្បែរកន្លែងកេីតហេតុបានទាក់ទងទៅរថយន្តសង្គ្រោះបន្ទាន់ឲ្យមកដឹកជនរងគ្រោះទាំង២នាក់ខាងលេីយកទៅព្យបាលរបួស ។ ចំណែកម៉ូតូ និងរថយន្តឡិចសុីសRX300 ខាងលេីត្រូវបានសមត្ថកិច្ចមូលដ្ឋានផ្នែកជំនាញចរាចរណ៍ចុះមកធ្វេីការវាស់វែង រួចអូសយកទៅរក្សាទុកនៅអធិការដ្ឋាននគរបាលខណ្ឌដង្កោ រង់ចាំភាគីទាំងសងខាងចូលខ្លួនដោះស្រាយតាមច្បាប់ ៕
ដោយ ៖ ភារ៉ា ដង្កោ
