សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ នៅព្រឹកថ្ងៃចន្ទ ទី១៩ ខែមេសា ឆ្នាំ២០២១នេះ លោកឧត្តមសេនីយ៍ត្រី ម៉ុន មាគ៌ា ស្នងការនគរបាលខេត្តត្បូងឃ្មុំ បានដឹកនាំកិច្ចប្រជុំតាមរបៀបវារៈដូចជា៖
១. លទ្ធផលអនុវត្តសេចក្តីប្រកាសលេខ៤៤ សសរ និង លេខ ៥១ សសរ របស់រាជរដ្ឋាភិបាល
២. បញ្ហាប្រឈមក្នុងការអនុវត្ត សេចក្ដីសម្រេច
៣. គោលការណ៍ណែនាំ និងវិធានការការអនុវត្តសេចក្តីសម្រេច ៤. ការងារផ្សេងៗ ។
កិច្ចប្រជុំបានអនុវត្តតាមការណែនាំរបស់ក្រសួងសុខាភិបាល វាស់កំដៅ រក្សាគម្លាត ពាក់ម៉ាស់ ។
លោកឧត្តមសេនីយ៍ស្នងការ បានមានប្រសាសន៍ ផ្តាំផ្ញើ ឱ្យលោក លោកស្រី ស្នងការរង លោកអធិការ ត្រូវយកចិត្តទុកដាក់ខ្ពស់ក្នុងការ ផ្សព្វផ្សាយ ត្រួតពិនិត្យ ដល់មន្ត្រីក្រោមឱវាទ របស់ខ្លួន ក្នុងអនុវត្តតាមសេចក្តីសម្រេចខាងលើ និង ការគោរពអនុវត្តតាម វិធានរបស់ក្រសួងសុខាភិបាល និង ប្រសាសន៍ដឹកនាំដ៏ខ្ពង់ខ្ពស់របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាគឺ៣ការពារ ៣កុំ ឱ្យបានល្អប្រសើរ ៕
ដោយ៖ វណ្ណៈ
