នៅទូទាំងស្រុកអង្គស្នួល មានអ្នកវិជ្ជមានជំងឺកូវីដ-១៩ ចំនួន៥៥៣នាក់ និងបានព្យាបាលជាសះស្បើយចំនួន ៦នាក់

ខេត្តកណ្ដាល៖ បើយោងតាមប្រភពពី រដ្ឋបាលខេត្តកណ្ដាល បានអោយដឹងថា, រសៀលថ្ងៃទី៤ ខែឧសភា ឆ្នាំ២០២១ លោក គង់ សោភ័ណ្ឌ អភិបាលខេត្តកណ្ដាល បានដឹកនាំក្រុមការងារ អញ្ជើញចុះពិនិត្យសាលាបឋមសិក្សា កុយតិប និងសាលាអនុវិទ្យាល័យ បែកចាន ដើម្បីត្រៀមសម្រាប់ព្យាបាលអ្នកដែលវិជ្ជមានមេរោគកូវីដ-១៩ នៅក្នុងស្រុកអង្គស្នួល។

សូមបញ្ជាក់ថាគិតត្រឹម ថ្ងៃទី៣ ខែឧសភា ឆ្នាំ២០២១ ក្នុងព្រឹត្តិការណ៍សហគមន៍ ២០ កុម្ភៈ ទូទាំងស្រុកអង្គស្នួលមានអ្នកវិជ្ជមានជំងឺកូវីដ-១៩ ចំនួន៥៥៣នាក់ និងបានព្យាបាលជាសះស្បើយចំនួន ៦នាក់៕

ដោយ ៖ សិលា