សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដោយមានការគិតគូរពីសុខទុក្ខកូនចៅក្រោមឱវាទ លោកវរសេនីយ៍ឯក ជឹម ស៉ីថា អធិការនគរបាលខណ្ឌដង្កោ នៅថ្ងៃសុក្រ ៣កើត ខែជេស្ឋ ឆ្នាំ ឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៤ខែឧសភា ឆ្នាំ២០២១ វេលាម៉ោង៨៖០០នាទី បាននាំយកអំណោយដ៏ថ្លៃថ្លារបស់លោកឧត្តមសេនីយ៍ឯក ស ថេត អគ្គស្នងការរងនិងជាស្នងការនគរបាលរាជធានីភ្នំពេញមកចែកជូនដល់បងប្អូនកងកម្លាំងចំនួន៨៦នាក់ក្នុងនោះមានស្រី៩នាក់ ដើម្បីផ្គត់ផ្គង់ជីវភាពប្រចាំថ្ងៃ។
អំណោយទាំងនេះបានបង្ហាញឲ្យឃើញពីទឹកចិត្ត «គោរពស្រឡាញ់ដ៏ជ្រាលជ្រៅបំផុតរបស់ថ្នាក់ដឹកនាំ ចំពោះកងកម្លាំងដែលកំពុងបំពេញតួនាទីភារកិច្ចការពារតាមគោលដៅនីមួយៗ និងការពារសុខសុវត្ថិភាពជូនប្រជាពលរដ្ឋ និងសង្គមជាតិ» ។
ក្នុងឱកាសនេះដែរលោកអធិការបានថ្លែងថា៖ «យើងពិតជារីករាយណាស់ចំពោះអំណោយដ៏ថ្លៃថ្លានេះ ព្រោះអំណោយនេះនឹងជួយដល់កងកម្លាំងរបស់យើងបានដោះស្រាយជីវភាពប្រចាំថ្ងៃបានមួយរយៈ»។
បន្ថែមលើនេះលោកអធិការក៏បាននាំនូវពាក្យផ្ដាំផ្ញើសួរសុខទុក្ខរបស់លោក ឧត្ដមសេនីយ៍ឯក ស ថេត អគ្គស្នងការរងនិងជាស្នងការនគរបាលរាជធានីភ្នំពេញ ដល់កងកម្លាំងយើងទាំងអស់ឱ្យមានការប្រុងប្រយ័ត្ន ថែររក្សាអនាម័យផ្ទាល់ខ្លួន ដោយត្រូវពាក់ម៉ាស់ និងបាញ់អាល់កុល ឬជែលលាងដៃជាប្រចាំ ដើម្បីកុំឱ្យមានការឆ្លងទៅវិញទៅមក។
ក្នុងអំណោយទាំងនោះរួមមាន៖ អង្ករ ២៥គីឡូក្រាម , មី ០១កេស, ទឹកស៉ីអ៉ីវ ០១យួរ , ទឹកសុទ្ធ ០១កេស, សារុង០១, ម៉ាស់ ០១ប្រអប់៕
ដោយ៖ ភារ៉ា ដង្កោ
