សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ ៖ កម្លាំងនគរបាលការពារព្រំដែនប៉ុស្តិ៍បឹងសាគូនិងកម្លាំងយោធា បានដើរល្បាតប្រទះឃើញមមុខសញ្ញាជួញដូរនិងប្រើប្រាស់គ្រឿងញៀនម្នាក់រួចឃាត់សួរនាំ ឆែករកឃើញថ្នាំញៀនជាច្រើនកញ្ចប់។ការឃាត់ខ្លួនជនសង្ស័យខាងលើប្រព្រឹត្តទៅនៅយប់ថ្ងៃទី០៧ ខែកក្កដា ឆ្នាំ២០២១ នៅចំណុចភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ ជាមួយនេះបានរកឃើញវត្ថុតាងថ្នាំញៀនមួយចំនួន រួចបញ្ជូនទៅបញ្ជាការដ្ឋាននរបាលវរសេនាតូចការពារព្រំដែនគោកលេខ៩១១ ដើម្បចាត់ការបន្ត ។
លោកវរសេនីយ៍ឯក សូ ចាន់ណារី មេបញ្ជាការវរសេនាតូចការពារព្រំដែនគោកលេខ៩១១ បានឲ្យដឹងថា ជនសង្ស័យឈ្មោះ អែល ឡៅ ភេទប្រុស អាយុ៥២ឆ្នាំ ស្នាក់នៅភូមិទួលពង្រ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
ជននេះត្រូវបានកម្លាំងនគរបាលបាលការពារព្រំដែនប៉ុស្តិ៍បឹងសាគូនិងកម្លាំងយោធា បានដើរល្បាតនៅពេលយប់តាមបន្ទាត់ព្រំដែន ដែលទទួលខុសត្រូវក្នុងការទប់ស្កាត់ពលករលួចឆ្លងដែនដោយខុសច្បាប់ហើយបានប្រទះឃើញគេកំពុងជិៈម៉ូតូក៏ឃាត់សួរនាំនិងធ្វើការឆែកឆេររកឃើញថ្នាំញៀន ប្រភេទម្សៅក្រាមពណ៌ថ្លា ចំនួន០៦កូនថង់តូចនិងថ្នាំញៀនប្រភេទមេតំហ្វាតាមីនគ្រាប់ពណ៌ក្រហម ដែលមានអក្សរ WY លើគ្រាប់ថ្នាំម្ខាង ចំនួន៤៨គ្រាប់ ដែលជនសង្ស័យបានលាក់ទុកនៅក្រោមកែបម៉ូតូ ។
ជនសង្ស័យរួមទាំងវត្ថុតាងថ្នាំញៀននិង ម៉ូតូ០១គ្រឿង ត្រូវបានប្រគល់ឲ្យនគរបាលជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងប៉ោយប៉ែត ដើម្បីរៀបចំសំសំណុំរឿបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់៕
ដោយ ៖ ប្រាថ្នា
