សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យម្នាក់បានធ្វើសកម្មភាពគាស់ទ្វារហាងលក់ទំនិញមួយកន្លែងហើយលួចបានលុយមួយចំនួននិងកង្ហារមួយគ្រឿងតែត្រូវប្រជាពលរដ្ឋឃាត់ខ្លួនបានប្រគល់ឱ្យសមត្ថកិច្ច។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង១និង១០នាទីរសៀលថ្ងៃទី២ ខែសីហា ឆ្នាំ២០២១ ស្ថិតនៅតាមបណ្ដោយផ្លូវលេខ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ជនសង្ស័យមានឈ្មោះ រ័ត្ន មានអាយុ៣២ឆ្នាំ មុខរបររើសអេតចាយ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញជនសង្ស័យម្នាក់ខាងលើនេះបានធ្វើសកម្មភាពគាស់ទ្វារហាងលក់ទំនិញមួយកន្លែង រួចហើយចូលទៅលួចយកលុយបានមួយចំនួន និងកង្ហារមួយគ្រឿង ប៉ុន្តែភ្លាមៗនោះប្រជាពលរដ្ឋបានឃើញក៏នាំគ្នាដេញតាមចាប់រហូតឃាត់ខ្លួនបានប្រគល់ទៅឲ្យសមត្ថកិច្ច។
ក្រោយកើតហេតុជនសង្ស័យនិងវត្ថុតាងត្រូវបានកម្លាំងកងរាជអាវុធហត្ថខណ្ឌសែនសុខ នាំខ្លួនទៅកាន់មូលដ្ឋានកងរាជអាវុធហត្ថខណ្ឌសែនសុខដើម្បីធ្វើការសាកសួរបន្តតាមនីតិវិធីច្បាប់៕
ដោយ៖ និន សុភ័ស្ត
