សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដេីម្បីត្រួតពិនិត្យកម្លាំងឯកសណ្ឋាន និងការគោរពវិន័យ អធិការដ្ឋាននគរបាលខណ្ឌបឹងកេងកង នៅព្រឹកថ្ងៃទី២៤ ខែសីហា ឆ្នាំ២០២១ វេលាម៉ោង១០ និង០០នាទី បានធ្វេីការប្រជុំជួរកម្លាំងអន្ដរាគមន៍។
ចំពោះការប្រជុំជួរកម្លាំងអន្ដរាគមន៍ នៃអធិការដ្ឋាននគរបាលខណ្ឌបឹងកេងកងនេះ គឺត្រួតពិនិត្យឯកសណ្ឋាន ការគោរពវិន័យរបស់កងកម្លាំង ក្រោមអធីបតីភាពលោកឧត្ដមសេនីយ៏ត្រី តឹង សុធី ស្នងការរង និងលោកវរសេនីយ៍ឯក ស៊ឹម ពិសិដ្ឋ អធិការ ដោយមានការចូលរួមពីលោកនាយ-នាយរងការិយាល័យ អធិការរង និងមន្រ្ដីពាក់ព័ន្ធផងដែរ។
គួរជម្រាបថា អធិការដ្ឋាននគរបាលខណ្ឌបឹងកេងកង នៅរំលងអាធ្រាត្រឈានចូលថ្ងៃទី២៤ ខែសីហា ឆ្នាំ២០២១នេះដែរ កម្លាំងអន្តរាគមន៍អធិការដ្ឋាននគរបាលខណ្ឌបឹងកេងកង បានចេញល្បាតតាមដងផ្លូវ ដើម្បីបង្ការទប់ស្កាត់រាល់បទល្មើសនានាកុំឱ្យកើតមានឡើង ជាពិសេសការពារសន្តិសុខ សុវត្ថិភាពជូនប្រជាពលរដ្ឋនៅក្នុងមូលដ្ឋានខណ្ឌបឹងកេងកងតែម្តង៕
ដោយ៖សហការី
