សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បេីករថយន្តដឹកបន្លែគេចពីឡំប្រឺតាមួយគ្រឿងទាញចង្កូតជ្រុលបានបុកចូលផ្ទះប្រជាពលរដ្ឋនិងបង្គោលស្លាកសញ្ញាបង្ហាញផ្លូវបណ្តាលឱ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង១រំលងអធ្រាត្រឈានចូលថ្ងៃទី២៥ ខែសីហា ឆ្នាំ២០២១ នៅចំណុចផ្លូវលេខ២៧១ កែងផ្លូវលេខ៤៣២ ក្នុងសង្កាត់ទួលទំពូងទី២ ខណ្ឌចំការមន។
តាមសាក្សីនៅកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញ
បុរសម្នាក់បេីករថយន្តហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ 2AD- 9364 រួមដំណេីរជាមួយកូនប្រុសតូចម្នាក់ ធ្វេីដំណេីរតាមបណ្តោយផ្លូវលេខ២៧១ ក្នុងទិសដៅពីត្បូងទៅជេីង ខណៈមកដល់ចំណុចកេីតហេតុក៏បានទាញចង្កូតបត់ឆ្វេងមកតាមបណ្តោយផ្លូវលេខ៤៣២ ស្របពេលនោះស្រាប់តែមានឡំប្រឺតាមួយគ្រឿងបេីកមកពីខាងមុខ ធ្វើឱ្យអ្នកបើករថយន្តហុីយ៉ាន់ដាយខំប្រឹងទាញចង្កូតគេចចេញក៏ជ្រុលទៅបុកចូលផ្ទះប្រជាពលរដ្ឋនិងបង្គោលស្លាកសញ្ញាបណ្តាលឱ្យរងការខូចខាតយ៉ាងដំណំ តែសំណាងដែរដែលមិនមានមនុស្សរងរបួស។
ក្រោយកេីតហេតុសមត្ថកិច្ចបានចុះមកដល់ ហើយបានយករថយន្តទៅរក្សាទុករង់ចាំដោះស្រាយតាមច្បាប់៕
ដោយ៖ សុខាសែនជ័យ
