សារព័ត៌មាន នគរវត្ត តែងតែនាំមុខគេជានិច្ច
ចំណោះដឹងទូទៅ៖ លោកអ្នកគួរតែរើសយកផ្កាយមួយដួងដែលទាក់ភ្នែកអ្នក ហេីយវានឹងប្រាប់ថាអ្នកជាមនុស្សបែបណាក្នុងកែវភ្នែកអ្នកដទៃ ចង់ដឹងអត់ថាតេីផ្កាយដួងណាខ្លះអាចបញ្ជាក់ប្រាប់ថាអ្នកជាមនុស្សបែបណា?
ផ្កាយដួងទី១៖ អ្នកជាមនុស្សសាមញ្ញ មានភាពច្បាស់លាស់ នឹងនរ និងមានរបៀបរៀបរយ។ អ្នកចូលចិត្តនិយាយអ្វីត្រង់ៗ ពុំដូច្នោះទេគឺស្ងាត់ឥតនិយាយស្ដីតែម្ដង។ អ្នកមានសណ្ដាប់ធ្នាប់ក្នុងជីវិត និងតែងធ្វើគ្រប់រឿងយ៉ាងយកចិត្តទុកដាក់មែនទែន។ ក្រៅពីនេះ អ្នកគឺជាមនុស្សដែលមានច្បាប់ទម្លាប់ក្នុងជីវិតច្រើនបន្តិច មិនចូលចិត្តធ្វើអ្វីតាមតែចិត្តខ្លួនឯងនោះទេ។
ផ្កាយដួងទី២៖ លក្ខណៈរបស់អ្នកគឺជាមនុស្សចូលចិត្តសប្បាយ មានអារម្មណ៍ឡេះឡោះដូចកូនក្មេង ថែមទាំងចូលចិត្តសំឡឹងមើលពិភពលោកក្នុងផ្លូវល្អ និងកំប្លែងទៀត។ អ្នកស្រលាញ់មិត្តភ័ក្ដិ និងពូកែស្រមើស្រមៃ។ ចរិតម្យ៉ាងទៀតគឺអ្នកពូកែទន់ភ្លន់ យកចិត្តយកថ្លើម ជាពិសេសនៅពេលដែលចង់ឲ្យអ្នកដទៃធ្វើអ្វីតាមចិត្ត។ អ្នកក៏ចូលចិត្តទាមទារចំណាប់អារម្មណ៍ជារឿយៗដែរ។
ផ្កាយដួងទី៣៖ អ្នកជាប្រភេទមនុស្សដែលធ្វើអ្វីក៏មើលទៅស្ទាត់ជំនាញ ប៉ិនប្រសប់ និងរហ័សរហួនជានិច្ច។ អ្នកធ្វើអ្វីក៏លឿន មាត់និយាយបែបណាចិត្តបែបហ្នឹង ពេលខ្លះក៏និយាយមាត់ដា.ចបន្តិច។
អ្នកជាមនុស្សមានការចងចាំមិនសូវល្អ និងឆាប់ភ្លេចក្នុងរឿងភាគច្រើន ប៉ុន្តែបើមាននរណាម្នាក់ធ្វើឲ្យខូចចិត្តហើយអ្នកនឹងចងចាំគ្មានថ្ងៃភ្លេចទេ។ ទោះយ៉ាងណាអ្នកនៅតែជាមនុស្សចិត្តទន់ដដែល ឆាប់ខឹង ឆាប់បាត់ មិនបង្កភិតភ័.យអន្តរាយដល់អ្នកដទៃទេ។
ផ្កាយដួងទី៤៖ ច្រើនតែជាមនុស្សរ៉ូមេនទិក មានក្ដីស្រមៃច្រើនជាពិសេសក្ដីស្រមៃបែបស្រស់ស្អាតដូចជាក្ដីស្នេហា។ អ្នកជាមនុស្សដែលមានភាពទន់ភ្លន់ ឆាប់អាណិត យល់ចិត្តអ្នកដទៃ ពេលខ្លះចូលចិត្តភាពហ៊ឺហា តែក៏មិនចាំបាច់ទាល់តែរបស់ថ្លៃរហូតដែរ។ អ្នកជាមនុស្សចូលចិត្តសង្គម ចូលចិត្តនិយាយជជែកជាមួយអ្នកដទៃដែលមានរសនិយម និងចំណូលចិត្តស្រដៀងគ្នា។
ផ្កាយដួងទី៥៖ អ្នកជាមនុស្សដែលមានគំនិតច្នៃប្រឌិតខ្ពស់ ពូកែខាងប្រើខួរក្បាល និងរៀបចំ ផែនការ តែចូលចិត្តនៅតែឯងៗ និងមានចរិតរាងប្លែកបន្តិចក្នុងខ្សែភ្នែកអ្នកដទៃ។ ក្រៅពីនេះអ្នកក៏ជាមនុស្សដែលចាប់អារម្មណ៍ខាងសិល្បៈ បច្ចេកវិទ្យា ចូលចិត្តការស្រាវជ្រាវ សាកល្បង និងអ្វីដែលប្លែកថ្មីមិនឈប់ឈរ។
ផ្កាយដួងទី៦៖ អ្នកជាមនុស្សដែលមានសិល្បៈក្នុងបេះដូង ចូលចិត្តភាពទន់ភ្លន់ ល្វតល្វន់ ពូកែគិត ពូកែស្រមៃ អាចនឹងពូកែតូចចិត្តបន្តិច ឬអ្នកខ្លះក៏ឆាប់ខឹង តែមិនមែនជាមនុស្សកោងកាចអ្វីនោះទេ (វាគ្រាន់តែជាអារម្មណ៍បែបសិល្បៈ)។
អ្នកអាចជាមនុស្សដែលអ្នកដទៃពិបាកយល់ចិត្តបន្តិច ប៉ុន្តែបើសេពគប់ស្និទ្ធស្នាលទៅទើបដឹងថា អ្នកជាមនុស្សដែលមានភាពស្មោះត្រង់ខ្ពស់ ស្រលាញ់មិត្តភ័ក្ដិ ស្មើស្រលាញ់ខ្លួនឯងតែម្ដង។
ផ្កាយដួងទី៧៖ ជាមនុស្សដែលមានភាពល្អិតល្អន់ ប្រុងប្រយ័ត្ន ធ្វើអ្វីក៏ប្រយ័ត្នប្រយែង តែងគិតមុននឹងនិយាយ ពិចារណាគ្រប់រឿងដែលខ្លួនធ្វើ។ ក្នុងពេលតែមួយនោះក៏ជាមនុស្សដែលស្រលាញ់គ្រួសារ ស្និទ្ធស្នាលនឹងអ្នកផ្ទះ និង
ឆាប់មានអារម្មណ៍ឯកោ ត្រូវការភាពកក់ក្ដៅពីមនុស្សដែលខ្លួនស្រលាញ់ច្រើនៗ មានអារម្មណ៍ក្ដីសុខបើមាននរណាមកបង្ហាញក្ដីស្រលាញ់ យកចិត្តយ៉ាងទៀងទាត់ និងជាមនុស្សដែលចាប់អារម្មណ៍រឿងសិល្បៈផងដែរ ៕
ដោយ៖សហការី
