សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗខណៈកំពុងជិះម៉ូតូស្របជាមួយរថយន្តFUSOធុនធំមួយគ្រឿងហេីយបានទាក់ដៃចង្កូតដួលចូលក្រោមរថយន្ត កាលពីវេលាម៉ោង៤ល្ងាច ថ្ងៃទី១ ខែកញ្ញា ឆ្នាំ២០២១ នៅចំណុចខាងត្បូងកងពលតូច៧០ ប្រហែល២០០ម៉ែត្រ តាមបណ្តោយផ្លូវជាតិលេខ៣ សង្កាត់ចោមចៅទី៣ ខណ្ឌពោធិ៍សែនជ័យ។
រថយន្តម៉ាកFUSO ប្រភេទរថយន្តសណ្តោង ក្បាលពណ៌ខៀវខ្ចី ពាក់ស្លាកលេខភ្នំពេញ3C 5869 ។ ចំណែកម៉ូតូម៉ាកហុងដាឌ្រីមសង់ ស៊េរីឆ្នាំ២០១៥ ពណ៌ខ្មៅ ពាក់ស្លាកលេខភ្នំពេញ1DG 9267 ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេឃេីញរថយន្តនិងម៉ូតូធ្វេីដំណេីរស្របគ្នាក្នុងទិសដៅពីជេីងទៅត្បូងខណៈមកដល់ចំណុចកេីតហេតុស្រាប់តែកន្ទុយរថយន្តទាក់ដៃចង្កូតម៉ូតូបណ្តាលឱ្យដួលចូលក្រោមរថយន្តកិនធ្វេីឱ្យម្ចាស់ម៉ូតូរងរបួសធ្ងន់។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗចំណែកម៉ូតូនិងរថយន្តត្រូវបានសមត្ថកិច្ចធ្វេីការវាស់វែងយកទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
