សារព័ត៌មាន នគរវត្ត តែងតែនាំមុខគេជានិច្ច
ក្លិបបិសាចក្រហម Manchester United បានបញ្ជាក់ថា Cristiano Ronaldo នឹងពាក់អាវលេខ៧ សម្រាប់ក្រុមនេះដែលកីឡាកររូបនេះបានវិលត្រឡប់មកទឹកដីអង់គ្លេសវិញ។
កីឡាករវ័យ៣៦ឆ្នាំរូបនេះយកលេខដែលគាត់បានពាក់នៅកីឡដ្ឋាន Old Trafford ពីខ្សែប្រយុទ្ធអ៊ុយរ៉ាហ្គាយ Edinson Cavani ដែលផ្លាស់ទៅលេខ២១។ Ronaldo នឹងចាប់ផ្តើមហ្វឹកហាត់ជាមួយក្រុមបិសាចក្រហមនៅពេលដែលគាត់បានបញ្ចប់ការនៅដាច់ដោយឡែករយៈពេល៥ថ្ងៃ។ កាលពីថ្ងៃព្រហស្បតិ៍គាត់ត្រូវបានបំពេញកាតព្វកិច្ចអន្តរជាតិដោយចូលរួមប្រកួតឲ្យជម្រើសជាតិព័រទុយហ្គាល់ ។
Ronaldo បាននិយាយថា “ខ្ញុំមិនប្រាកដថាអាចមានអាវលេខ៧ម្តងទៀតទេ ដូច្នេះខ្ញុំចង់និយាយអរគុណយ៉ាងខ្លាំងចំពោះ Edinson Cavani ចំពោះកាយវិការមិនគួរឱ្យជឿនេះ”។
Man Utd បាននិយាយនៅលើគេហទំព័រថា “កំពូលតារាបាល់ទាត់ព័រទុយហ្គាល់បានពាក់លេខអាវដ៏ល្បីល្បាញក្នុងកំឡុងពេលលេងលើកដំបូងរបស់គាត់នៅ United ហើយឥឡូវនេះយើងអាចបញ្ជាក់ថា រ៉ូណាល់ដូនឹងមានវានៅលើខ្នងរបស់គាត់ម្តងទៀត” ។
Ronaldo បានបញ្ចប់ការផ្លាស់ប្តូរដ៏គួរឱ្យភ្ញាក់ផ្អើលមួយត្រឡប់ទៅទឹកដី Old Trafford វិញនៅថ្ងៃផុតកំណត់នៃការផ្ទេរ ហើយនឹងត្រៀមខ្លួនដើម្បីបង្ហាញខ្លួនលើកទី២របស់គាត់សម្រាប់បិសាចក្រហមទល់នឹង Newcastle នៅ Premier League នៅថ្ងៃសៅរ៍ទី១១ ខែកញ្ញាខាងមុខនេះ។
រ៉ូណាល់ដូបានក្លាយជាអ្នកស៊ុតបញ្ចូលទីឲ្យជម្រើសជាតិអន្ដរជាតិផ្នែកបុរសឈានមុខគេជាមួយការរកបាន២គ្រាប់ទល់នឹងសាធារណរដ្ឋអៀរឡង់កាលពីថ្ងៃអង្គារ ប៉ុន្តែត្រូវបានអាជ្ញាកណ្តាលពិន័យ ក្រោយពេលរូបគាត់អបអរជ័យជម្នះដោយដោះអាវចេញ។ រ៉ូណាល់ដូបានស៊ុតបាល់បញ្ចូលទីចុងម៉ោង២គ្រាប់ដើម្បីជួយឱ្យក្រុមជម្រើសជាតិព័រទុយហ្គាល់ឈ្នះ និងរកបាន១១១គ្រាប់ដែលលើសកំណត់ត្រាដែលអតីតកីឡាករ Ali Daei ធ្លាប់រកបាន១០៩គ្រាប់សម្រាប់ក្រុមជម្រើសជាតិអុីរ៉ង់ចន្លោះឆ្នាំ១៩៩៣ដល់ឆ្នាំ២០០៦ ៕
ដោយ៖ ភារៈ(រូបភាព ៖ BBC Sport)
