សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅក្នុងសន្និសីទកាសែត ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្រ្តី បានចំអកឲ្យក្រុមអគតិមួយចំនួនថា តែងតែបានជេរប្រមាថការដឹកនាំរបស់សម្តេចថាជាការដឹកនាំបែបកុម្មុយនីស្ត ប៉ុន្តែពួកទាំងនោះបានបង្ខំឲ្យរាជរដ្ឋាភិបាលធ្វើកុម្មុយនីស្តទៅវិញ ខណៈពួកទាំងនោះមិនទាន់ទាំងដឹងពីសេដ្ឋកិច្ចផែនការ និងទីផ្សារសេរីផងនោះ។
សម្តេចតេជោ ហ៊ុន សែន ស្នើឲ្យលោកបណ្ឌិតសភាចារ្យ ហង់ ជូនណារ៉ុន រដ្ឋមន្រ្តីក្រសួងអប់រំ យុវជន និងកីឡា ធ្វើការពិភាក្សាជាមួយមិត្តចិន ដើម្បីធ្វើយ៉ាងណាឲ្យនិស្សិតខ្មែរយើងបានត្រឡប់ទៅសិក្សានៅប្រទេសចិនវិញ បន្ទាប់ពីពួកគាត់បានសម្រេចមកខ្មែរវិញ ក្នុងអំឡុងពេលដែលមានករណីផ្ទុះកូវីដ-១៩ខ្លាំងនៅប្រទេសចិន។
សូមបញ្ជាក់ថា ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានបញ្ជាក់ថា ចំពោះកុមារអាយុចាប់ពី៦ឆ្នាំ ដល់ក្រោម១២ ឆ្នាំបន្ទាប់ពីចាក់វ៉ាក់សាំង២ដូសរួច ត្រូវតែមានចាក់ដូសទី៣ ។
ឆ្លើយនឹងសំណួរពាក់ព័ន្ធប្រជាពលរដ្ឋចាប់ពីអាយុ១៨ឆ្នាំឡើង អាចនឹងចាក់វ៉ាក់សាំងដូសទី៤បន្តទៀតបានឬទេ? សម្តេចតេជោ ហ៊ុន សែន បានថ្លែងថា សម្រាប់ដូសទី៤ ចាក់បានឬមិនបានគឺវាអាស្រ័យលើការវិវត្តជាក់ស្តែង និងប្រសិទ្ធភាពវ៉ាក់សាំង និងការណែនាំពីអង្គការសុខភាពពិភពលោក។
ដោយឡែកក្រសួងសុខាភិបាលនៅព្រឹកថ្ងៃទី១៧ ខែកញ្ញា ឆ្នាំ២០២១ បានបញ្ជាក់ថា កំណេីនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី១៦ ខែកញ្ញា ឆ្នាំ២០២១ មាន ៩៨,០៥% ធៀបជាមួយចំនួនប្រជាជនគោលដៅ១០លាននាក់ និងលើកុមារ-យុវវ័យអាយុពី១២ឆ្នាំទៅក្រោម១៨ឆ្នាំមាន ៨៧,៥៤% ធៀបជាមួយនឹងប្រជាជនគោលដៅ ១,៩៦៦,៩៣១ នាក់។
កាលពីម្សិលមិញ ក្រសួងសុខាភិបាលក៏បានលម្អិតថា រហូតមកដល់ថ្ងៃទី១៦ ខែកញ្ញា ឆ្នាំ២០២១ យេីងរកឃេីញករណីជំងឺកូវីដ-១៩ សរុបចំនួន ៦៩៣នាក់ (ឆ្លងសហគមន៍៥៨១នាក់ និងនាំចូល១១២នាក់) និងមានជាសះស្បេីយ ៤៤៣នាក់ ។ ដូច្នេះចំនួនករណីជំងឺកូវីដ-១៩សរុបកេីន ១០២.១៣៦នាក់ និងចំនួនជាសះស្បេីយសរុបកេីន ៩៥.៨១០នាក់ និ ស្លាប់ថ្មី១១នាក់ សរុបស្លាប់២.០៧៨នាក់ ។ សូមបន្តអនុវត្តន៍: ៣កុំ ៣ការពារ និងចាក់វ៉ាក់សាំងការពារ។
សូមបញ្ជាក់ថា ប្រទេសយេីងរកឃេីញករណីជំងឺកូវីដ-១៩ដំបូងបំផុតនៅថ្ងៃទី ២៧ មករា ២០២០ ។
យេីងបានធ្វេីតេស្តចំនួន 2.327.705 ស្មេីនឹង 137.004 ក្នុង១លាននាក់ ។
ព័ត៌មានបន្ថែមសូមទាក់ទងលេខ 115៕
ដោយ ៖ សិលា
