សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមការបញ្ជាក់ពីលោក ចាន់ បណ្ឌិត អភិបាលរងខណ្ឌទួលគោក បានឱ្យដឹងនៅព្រឹកថ្ងៃអង្គារ ៧រោច ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៦៥៦ ត្រូវនឹងថ្ងៃទី២៨ ខែកញ្ញា ឆ្នាំ២០២១នេះថា៖ អាជ្ញាធរខណ្ឌទួលគោក បានសហការជាមួយក្រុមគ្រូពេទ្យស្ម័គ្រចិត្តសម្តេចតេជោ (TYDA) ចុះយកសំណាកលើកទី៣ នៅផ្សារមាន់អាំង ដែលទីតាំងនេះមានពាក់ព័ន្ធជាមួយអ្នកជម្ងឺកូវីដ-១៩ ប្រភេទDellta ជាលទ្ធផលតេស្តសំណាកចំនួន ១០៨នាក់ គឺអវិជ្ជមានកូវីដ-១៩ ។
ជាមួយគ្នានេះ រដ្ឋបាលខណ្ឌទួលគោក សូមបងប្អូនប្រជាពលរដ្ឋរបស់យើងទាំងអស់គ្នាចូលរួមវិធានការសុខាភិបាល និងអនុវត្ត ៣កុំ ៣ការពារ ឱ្យបានខ្ជាប់ខ្ជួនបំផុត។
គួរបញ្ជាក់ថា៖ នៅព្រឹកថ្ងៃអង្គារនេះដែរ បេីយោងតាមសេចក្ដីជូនដំណឹងរបស់ក្រសួងសុខាភិបាល កាលពីថ្ងៃទី២៧ ខែកញ្ញាម្សិលមិញនេះ បានរកឃើញអ្នកឆ្លងជំងឺកូវីដ-១៩ថ្មីចំនួន ៨៦៦នាក់ទៀត, អ្នកជាសះស្បើយ ៥០៥នាក់ និងអ្នកជំងឺស្លាប់ចំនួន ២៦នាក់។
ដោយឡែកគិតត្រឹមព្រឹកថ្ងៃទី២៨ ខែកញ្ញា ឆ្នាំ២០២១នេះ កម្ពុជាមានអ្នកឆ្លងជំងឺកូវីដសរុប 110,792 នាក់, អ្នកជាសះស្បើយចំនួន 101,690 នាក់ និង អ្នកស្លាប់សរុបចំនួន 2,287 នាក់ផងដែរ៕
ដោយ៖ស តារា
