សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បេីយោងតាមប្រភពព័ត៌មានពីអគ្គនាយកដ្ឋានអន្តោប្រវេសន៍ នៅរសៀលថ្ងៃពុធទី១០ ខែវិច្ឆិកា ឆ្នាំ២០២១នេះ បានឱ្យដឹងថា ស្រ្តីជនជាតិវៀតណាមម្នាក់ ត្រូវកម្លាំងប៉ុស្តិ៍នគរបាលច្រកទ្វារព្រំដែនអន្តរជាតិបាវិត ឃាត់ខ្លួនពាក់ព័ន្ធករណី ឆ្លងដែនចូលធ្វើការ និងស្នាក់នៅខុសច្បាប់នៅកម្ពុជា។
ប្រភពដដែលបន្តថា ដោយមានការឯកភាពពី លោកនាយការិយាល័យច្រកទ្វារព្រំដែនអន្តរជាតិអន្តរជាតិបាវិត កាលពីថ្ងៃទី០៩ ខែវិច្ឆិកាម្សិលមិញនេះ កម្លាំងប៉ុស្តិ៍នគរបាលច្រកទ្វារព្រំដែនអន្តរជាតិបាវិត បានទទួលស្រ្តី ជនជាតិវៀតណាមម្នាក់ ករណី ឆ្លងដែនចូលធ្វើការ និងស្នាក់នៅខុសច្បាប់នៅកម្ពុជា ពីនាយកដ្ឋានស៊ើបអង្កេត និងអនុវត្តនីតិវិធី។
បន្ទាប់មកបានប្រគល់ឱ្យប៉ុស្តិ៍កងទ័ពការពារព្រំដែនអន្តរជាតិម៉ុកបាយ ប្រទេសវៀតណាម រួចរាល់នៅវេលាម៉ោង១០និង៣០នាទីថ្ងៃដដែល៕
ដោយ៖សហការី
