សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់បានផ្លោះរបងចូលផ្ទះគេមួយកន្លែងលេខ៧២Eo ផ្លូវបេតុង ក្នុងបុរីពិភពថ្មី ភូមិត្រពាំងថ្លឹង៤ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ កាលពីវេលាម៉ោង៣ទៀបភ្លឺឈានចូលថ្ងៃទី១៦ ខែធ្នូ ឆ្នាំ២០២១ ដោយលួចយកបានម៉ូទ័រកាត់ដែកមួយគ្រឿង រួចហេីយគេចខ្លួនបាត់។ លុះមកដល់វេលាម៉ោង១១ព្រឹកថ្ងៃខែដដែល ជនរងគ្រោះបានឃេីញជនសង្ស័យដេីរលេីដងផ្លូវ ហើយដោយសារតែស្គាល់ភិនភាគតាមកាមេរ៉ាសុវត្តិភាពទេីបឃាត់ប្រគល់ជូនសមត្ថកិច្ចចាត់ការតាមច្បាប់។
ជនសង្ស័យឈ្មោះសែម រិទ្ធី ភេទប្រុស អាយុ៣៣ឆ្នាំ មុខរបរលក់ដូរ ស្នាក់នៅផ្ទះលេខ៣ ភូមិត្រពាំងថ្លឹង៤ សង្កាត់ចោមចៅទី១ ខណ្ឌពោធិ៍សែនជ័យ។
ចំណែកជនរងគ្រោះឈ្មោះ អ៊ូច សារ៉េត ភេទប្រុស អាយុ៣៩ឆ្នាំ ស្នាក់នៅផ្ទះកេីតហេតុខាងលេី។
តាមប្រភពព័ត៌មានពីជនរងគ្រោះបានឱ្យដឹងថា មុនពេលកេីតហេតុរូបគាត់បានរៀបចំទុកដាក់ម៉ូទ័រកាត់ដែកនៅក្នុងផ្ទះរបស់គាត់ រួចហេីយបានចូលទៅសម្រាកក្នុងបន្ទប់គេង ។ លុះមកដល់វេលាកេីតហេតុស្រាប់តែមានជនសង្ស័យម្នាក់ផ្លោះរបងចូលមកធ្វេីសកម្មភាពលួចយកម៉ូទ័រកាត់ដែកទៅបាត់។
ប្រភពដដែលបានបន្តថា ពេកគាត់ភ្ញាក់ពីដំណេកវិញទេីបដឹងថាបាត់ម៉ូទ័រ ពេលនោះគាត់ក៏បានឆែកមេីលកាមេរ៉ាសុវត្តិភាពឃេីញជនសង្ស័យចូលមកលួចយកទៅ រហូតមកដល់វេលាម៉ោង១១ព្រឹកថ្ងៃដដែលទេីបឃេីញជនសង្ស័យដេីរលេីដងផ្លូវស្គាល់ភិនភាគក៏ឃាត់យកទៅប្រគល់ជូនសមត្ថកិច្ចសួរនាំតែម្តង។
នៅចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាបានលួចម៉ូទ័រជនរងគ្រោះប្រាកដមែន។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមនិតិវិធី៕
ដោយ៖សុខាសែនជ័យ
