សារព័ត៌មាន នគរវត្ត តែងតែនាំមុខគេជានិច្ច
ខ្សែបម្រើសញ្ជាតិប្រេស៊ីល Rafinha បានចូលរួមជាមួយក្លិបអេស្ប៉ាញ Real Sociedad ក្នុងលក្ខខណ្ឌខ្ចីជើងពីក្លិប Paris Saint-Germainរហូតដល់ចប់រដូវកាល។ នេះបើតាមក្លិបបានបញ្ជាក់កាលពីថ្ងៃចន្ទ។
Rafinha បងប្រុសរបស់ខ្សែបម្រើ Thiago Alcantara របស់ក្រុមLiverpool បាននិយាយថា គាត់រំភើប និងរីករាយ ដែលបានចូលរួមជាមួយ Sociedad ដែលជាក្រុមទី៦នៅ La Liga ។
កីឡាករវ័យ២៨ឆ្នាំរូបនេះបានឡើងមកក្នុងជួរយុវជនរបស់ Barcelona និងបានលេងច្រើនក្នុងអាជីពរបស់គាត់ក្នុងប្រទេសអេស្ប៉ាញបានបង្ហាញខ្លួន៣៩ដងក្នុងការប្រកួតទាំងអស់សម្រាប់ Paris Saint-Germain ចាប់តាំងពីចូលរួមជាមួយក្លិបបារាំងក្នុងឆ្នាំ២០២០។
ខ្សែបម្រើ Rafinha បានលេង២ប្រកួតសម្រាប់ក្រុមជម្រើសជាតិប្រេស៊ីល និងជាកីឡាករដែលបានជួយក្រុមប្រេស៊ីលឈ្នះមេដាយមាសនៅកីឡាអូឡាំពិកទីក្រុង Rio កាលពីឆ្នាំ២០១៦ ៕
ដោយ៖ ភារៈ(រូបភាព ៖ CNA)
