សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ២នាក់ធ្វេីសកម្មភាពឆក់ទូរស័ព្ទពីនារីម្នាក់បានសម្រេចតែរត់មិនរួចត្រូវសមត្ថកិច្ចឃាត់ខ្លួនបានម្នាក់នៅវេលាម៉ោង២១និង៣០នាទីយប់ ថ្ងៃទី០៨ ខែ មករា ឆ្នាំ ២០២២ នៅសង្កាត់ចោមចៅទី១ ខណ្ឌពោធិ៍សែនជ័យ ។
ជនសង្ស័យឈ្មោះ ម៉ៅ ភារុណ ភេទប្រុសអាយុ ១៨ឆ្នំា មុខរបរជាងភ្លើង ស្នាក់នៅភូមិទួលពង្រសង្កាត់ចោមចៅទី១ខណ្ឌពោធិ៍សែនជ័យរាជធានីភ្នំពេញព្រមទាំងដកហូតវត្ថុតាងទូរស័ព្ទដៃចំនួន០១គ្រឿងជារបស់ជនរងគ្រោះឈ្មោះ ធីម គីមស្រ៊ុន ភេទស្រី អាយុ ២០ឆ្នំា មុខរបរកម្មកររោងចក្រ ស្នាក់នៅភូមិថ្មគោលសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមសម្តីជនរងគ្រោះបានឱ្យដឹងថា មុនពេលកេីតហេតុរូបនាងបានអង្គុយចុចទូរស័ព្ទនៅលេីម៉ូតូក្នុងភូមិគោកចំបក់ សង្កាត់ចោមចៅទី២ បន្ទាប់មកស្រាប់តែមានជនសង្ស័យ២នាក់ជិះម៉ូតូ១គ្រឿងឌុបគ្នាមកក្បែររូបនាងហេីយបានធ្វេីសកម្មភាពឆក់ទូរស័ព្ទនាងបានសម្រេចហេីយព្យាយាមគេចខ្លួនភ្លាមនោះនាងក៏បានជិះម៉ូតូដេញតាមនិងស្រែកថាចោរៗក៏ជួបកម្លាំងកំពុងល្បាតដេញឃាត់បានភ្លាមៗតែម្តង។
បច្ចុប្បន្នជនសង្ស័យត្រូវកម្លាំងនគរបាលប៉ុស្តិ៍កំពុងសាកសួរដេីម្បីកសាងសំណុំរឿងបញ្ជូនទៅផ្នែកជំនាញចាត់ការបន្ត៕
ដោយ៖សុខាសែនជ័យ
