សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ សមត្ថកិច្ចនគរបាលប៉ុស្តិ៍រដ្ឋបាលសង្កាត់ច្រកម្ទេសបានឃាត់ខ្លួនជនសង្ស័យម្នាក់ពាក់ព័ន្ធករណីចាប់រំលោភនារីម្នាក់បានសម្រេច។
ការឃាត់ខ្លួននេះធ្វើឡើងនៅវេលាម៉ោង៦និង៣០នាទីល្ងាចថ្ងៃទី០៥ខែមីនាឆ្នាំ២០២២ស្ថិតនៅភូមិធ្លក សង្កាត់ច្រកម្ទេស ក្រុងបាវិត ខេត្តស្វាយរៀង ។
យោងតាមសមត្ថកិច្ចនគរបាលបានអោយដឹងថាជនសង្ស័យមានឈ្មោះ ឃួន ក្ដាម អាយុ៣២ឆ្នាំ ជនជាតិខ្មែ មុខរបរកម្មករ មានទីលំនៅភូមិធ្លក សង្កាត់ច្រកម្ទេស ក្រុងបាវិត ខេត្តស្វាយរៀង ។
ចំណែកនារីរងគ្រោះមានឈ្មោះ យ យ អាយុ៣១ឆ្នាំ មុខរបរកសិកររស់នៅភូមិសង្កាត់ច្រកម្ទេស ក្រុងបាវិត ខេត្តស្វាយរៀង។
ប្រភពបន្តថាប៉ុស្តិ៍នគរបាលរដ្ឋបាលសង្កាត់ច្រកម្ទេស បានទទួលពាក្យបណ្ដឹងផ្ទាល់មាត់ពីឪពុកនារីរងគ្រោះ បានរាយការណ៍ប្រាប់សមត្ថកិច្ចថា កូនស្រីរបស់គាត់ត្រូវបានឈ្មោះ ឃួន ក្ដាម ចាប់រំលោភសេពសន្ធវៈរហូតបានសម្រេច។
ក្រោយពីទទួលបាន ព័ត៌មានភ្លាមសមត្តតកិច្ចក៏បានចុះទៅកន្លែងកើតហេតុដើម្បីនាំខ្លួនជនសង្ស័យមកប៉ុស្តិ៍នគរបាលរដ្ឋបាលច្រកម្ទេសធ្វើការសាកសួរ ។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថាខ្លួនពិតជាបានរួមភេទជាមួយនារីខាងលើ បានចំនួន ០៣ ដងពិតប្រាកដមែន គឺស្ម័គ្រចិត្តរៀងៗខ្លួន ពុំមានការចាប់បង្ខំឡើយ ។
បច្ចុប្បន្ន ជនសង្ស័យត្រូវបានសមត្ថកិច្ចឃាត់ខ្លួនជាបណ្ដោះអាសន្ននៅប៉ុស្ដិ៍នគរបាលរដ្ឋបាលច្រកម្ទេស ដើម្បីកសាងសំណុំរឿងចាត់ការបន្តតាមច្បាប់ ៕
ដោយ៖ យឹម សុថាន
