សារព័ត៌មាន នគរវត្ត តែងតែនាំមុខគេជានិច្ច
ក្លិបសេះបង្កង់ Juventus បានចុះហត្ថលេខាលើខ្សែការពារប្រេស៊ីល Gleison Bremer ពីគូប្រជែង Torino ក្នុងតម្លៃ៤១លានអឺរ៉ូ (៤១.៧លានដុល្លារ)។
Bremer ដែលជាប់ឈ្មោះជាខ្សែការពារប្រចាំក្របខ័ណ្ឌ Serie A កាលពីរដូវកាលមុន បានចុះកិច្ចសន្យារយៈពេល៥ឆ្នាំរហូតដល់ខែមិថុនា ឆ្នាំ២០២៧។
ក្នុងនាមជាកីឡាករឆ្នើមម្នាក់ កីឡាករ Bremer វ័យ២៥ឆ្នាំរូបនេះមានចំណាប់អារម្មណ៍ចង់រកគ្រាប់បាល់ និងស៊ុតបញ្ចូលទីបាន១៣គ្រាប់ក្នុង៣រដូវកាលពេញរបស់គាត់នៅក្នុងប្រទេសអុីតាលី រួមទាំង១១នៅ Serie A ដែលជាកំណត់ត្រាសម្រាប់ខ្សែការពារកណ្តាល។
Juventus បានប្រកាសថា តម្លៃនេះត្រូវបង់ក្នុងរយៈពេល៣ឆ្នាំ ហើយខ្លួនក៏នឹងផ្តល់ប្រាក់រង្វាន់ដល់ Torino រហូតដល់ទៅ៨លានអឺរ៉ូ (៨.១លានដុល្លារ) ។
ដំណឹងនេះកើតឡើងមួយថ្ងៃបន្ទាប់ពីខ្សែការពារកណ្តាល Matthijs de Ligt បានបញ្ចប់ការផ្លាស់ប្តូររបស់គាត់ពី Juventus ទៅ Bayern Munich ក្នុងតម្លៃ៦៧លានអឺរ៉ូ (៦៨.៦លានដុល្លារ) ។
គួរបញ្ជាក់ថា Juventus បានបញ្ចប់រដូវកាលមុនដោយគ្មានពានរង្វាន់ជាលើកដំបូងក្នុងរយៈពេល១១ឆ្នាំ។ ក្រុមនេះបានឈ្នះជើងឯកលីគចំនួន៩ជាប់ៗគ្នារហូតដល់ឆ្នាំ២០២០។ ក្លិបបាននាំយក Paul Pogba មកវិញរួចហើយ និងបានចុះហត្ថលេខាលើ Ángel Di María មិនមានតម្លៃខ្លួនផ្ទេរ ៕
ដោយ៖ ភារៈ(រូបភាព ៖ BBC Sport)
