សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានថ្លែងឱ្យដឹងនៅព្រឹកថ្ងៃពុធទី១៩ ខែតុលា ឆ្នាំ២០២២នេះថា៖ កម្លាំងសមត្ថកិច្ចជំនាញ នៃស្នងការដ្ឋាននគរបាលខេត្តព្រះសីហនុ បានធ្វើការសាកសួរជនសង្ស័យចំនួន ០៣នាក់ ដែលជាមុខសញ្ញាគ្រឿងញៀនរហូតឈានដល់បញ្ចប់នីតិវិធី និងបានបញ្ជូនខ្លួនពួកគេទៅកាន់សាលាដំបូងខេត្ត ដើម្បីចាត់ការតាមច្បាប់។
លោកស្នងការនគរបាលខេត្ត បានថ្លែងបន្តថា ជនសង្ស័យទាំង០៣នាក់ខាងលើនេះរួមមាន៖ ទី១-ឈ្មោះ ប៊ុន ករុណា ភេទប្រុស ឆ្នាំកំណេីត ២០០៤ ជនជាតិខ្មែរ មុខរបរ សន្តិសុខ ទីលំនៅបច្ចុប្បន្នក្រុម៤៥ ភូមិ០១ សង្កាត់០៤ ក្រុង-ខេត្តព្រះសីហនុ ស្រុកកំណេីតភូមិ០១ សង្កាត់០៤ ក្រុង-ព្រះសីហនុ ។ ទី២-ឈ្មោះ សុំ ចំរើន ភេទប្រុស ឆ្នាំកំណេីត ១៩៩១ ជនជាតិខ្មែរ មុខរបរ រត់ម៉ូតូឌុប ទីលំនៅបច្ចុប្បន្នក្រុម១៤ ភូមិ០១ សង្កាត់០១ ក្រុង-ខេត្តព្រះសីហនុ ស្រុកកំណេីតភូមិជើងដឹក ឃុំប្រាំយ៉ាង ស្រុកស្រីសន្ធរ ខេត្តកំពងចាម ។ និងទី៣-ឈ្មោះ ចាន់ ឌី ណា ភេទ ប្រុស ឆ្នាំកំណេីត ១៩៩០ ជនជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្ន ក្រុម៤៥ ភូមិ០១ សង្កាត់០៤ ក្រុង-ខេត្តព្រះសីហនុ ស្រុកកំណេីតក្រុម៤៥ ភូមិ០១ សង្កាត់០៤ ក្រុង-ខេត្តព្រះសីហនុ ។
សូមរម្លឹកថា ជនសង្ស័យទាំង០៣នាក់នេះ ត្រូវបានកម្លាំងអធិការដ្ឋាននគរបាលក្រុងព្រះសីហនុ បានឃាត់ខ្លួនជាបន្តបន្ទាប់ ស្ថិតនៅក្រុម៤៥ ភូមិ០១ សង្កាត់លេខ០៤ ក្រុង-ខេត្តព្រះសីហនុ រួមនិងវត្ថុតាងដូចជា៖ ម្សៅក្រាមព៌ណសថ្លា សង្ស័យសារធាតុញៀន ០២កញ្ចប់ ,ម៉ូតូ ០២គ្រឿង ,ទូរស័ព្ទដៃចំនួន ០១គ្រឿង និងថង់សម្រាប់វិចខ្ចប់មួយចំនួន ។
បច្ចុប្បន្នជនសង្ស័យខាងលេី ត្រូវបានកម្លាំងអធិការដ្ឋាននគរបាលក្រុងព្រះសីហនុ បញ្ជូនខ្លួនទៅតុលាការ ដេីម្បីចាត់ការតាមផ្លូវច្បាប់ ៕
ដោយ៖ អារុណរះ
