សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបេីករថយន្តម៉ាក តូយ៉ូតា កាមរីដ៏ថ្មីសន្លាង មួយគ្រឿង ក្នុងល្បឿនលឿននិងវ៉ាជែងគេឯងមិនប្រយ័ត្ន ក៏រេចង្កូតមកចញ្ចេីមផ្លូវបណ្ដាលឲ្យក្រឡាប់ផ្ងារជេីងប៉ិះធ្លាក់ចូលទឹកបឹង បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង៩ និង៥០នាទីយប់ ថ្ងៃទី២៩ ខែតុលា ឆ្នាំ២០២២ នៅតាមមហាវិថីសម្ដេចតេជោ (ផ្លូវ៦០ម៉ែត្រ) ក្នុងសង្កាត់ជេីងឯក ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនកេីតហេតុគេឃេីញរថយន្តស៊េរីទំនេីប ម៉ាក តូយ៉ូតា កាមរី ពណ៌ស ពាក់ស្លាកលេខភ្នំពេញ 2AB-0284 ដែលបេីកបរដោយបុរសម្នាក់ធ្វេីដំណេីរតាមបណ្ដោយផ្លូវ៦០ម៉ែត្រ ទិសដៅពីជេីងទៅត្បូងក្នុងល្បឿនលឿន និងបានវ៉ាជែងគេឯងតាមដងផ្លូវ រួចក៏រេចង្កូតមកស្ដាំដៃអែមចញ្ចេីមផ្លូវ បណ្ដាលឲ្យក្រឡាប់ផ្ងារជេីងទ្រមេឃ និងប៉ិះធ្លាក់ទឹកបឹង រងការខូចខាតយ៉ាងដំណំ ។ បន្ទាប់មក បុរសម្នាក់ដែលជាតៃកុងរថយន្តបង្កក៏បានធាក់ទ្វាររថយន្តចេញ និងដេីរធម្មតាមិនមានរបួសនោះឡេីយ ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ និងបានពិនិត្យស្ថានភាពជុំវិញកន្លែងកេីតហេតុមិនឃេីញប៉ះពាល់ដល់សម្បត្តិរដ្ឋ និងមិនបង្កគ្រោះថ្នាក់ដល់មនុស្ស ទេីបសម្រេចចិត្តប្រគល់រថយន្តបង្កឲ្យទៅម្ចាស់ស្ទួចយកទៅជួសជុលដោយខ្លួនឯង ៕
ដោយ ៖ ភារ៉ា ដង្កោ
