សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ នៅថ្ងៃទី១៣ ខែវិច្ឆិកា ឆ្នាំ២០២២ វេលាម៉ោង១៩និង១០នាទីមានរឿងហេតុដ៏គួរឱ្យភ្ញាក់ផ្អើលមួយបានកើតឡើង ដោយបុរស២នាក់ត្រូវភ្លើងឆាបឆេះខ្លួនប្រាណនៅចំណុចគគីរប្រហោងអូរស្លេវ ស្ថិតក្នុងភូមិក្រចាប់ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
តាមសមត្តកិច្ចមូលដ្ឋានបានឱ្យដឹងថា ជនរងគ្រោះដែលត្រូវភ្លើងឆាបឆេះនោះទី១-មានឈ្មោះ ឡោះ យូរ ភេទប្រុស អាយុ៣៨ឆ្នាំ ជនជាតិខ្មែរ មុខរបរដេីរជីកគល់ឈេី រស់នៅភូមិក្រចាប់ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
-ជនរងគ្រោះទី២-ឈ្មោះ ឌឿង ដាំ ភេទប្រុស អាយុ១៩ឆ្នាំ ជនជាតិខ្មែរ មុខរបរដេីរជីកគល់ឈេី រស់នៅភូមិក្រចាប់ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
ប្រភពពីជនរងគ្រោះឈ្មោះឌឿន ដាំ បានរៀបរាប់ប្រាប់សមត្ថកិច្ចឱ្យដឹងថានៅមុនពេលកើតហេតុ វេលាម៉ោងប្រហែល៨និង៣០នាទីព្រឹកថ្ងៃទី១៣ ខែវិច្ឆិកា ឆ្នាំ២០២២ ពួកខ្លួនទាំងពីរនាក់បានធ្វេីដំណេីរចេញពីផ្ទះរបស់ខ្លួននៅចំណុចភូមិក្រចាប់ ទៅអូរស្លេវត្រង់ចំណុចគគីរប្រហោងក្នុងគោលបំណងទៅជីកគល់ឈេីយកមកលក់។ លុះដល់វេលាម៉ោងប្រហែល១៨និង១០នាទី រូបខ្លួន(ឌឿង ដាំ) បានយកសាំងទៅបង្កាត់ភ្លេីងដេីម្បីដាំបាយនិងធ្វេីម្ហូប។ ពេលកំពុងបង្កាត់ភ្លើងនោះក៏ស្រាប់តែភ្លើងបានឆាបឆេះមកលេីខ្លួន និងឆាបឆេះប៊ីដុងសាំងដែលនៅក្បែរនោះបណ្ដាលឱ្យមានអណ្ដាតភ្លេីងឆេះកាន់តែខ្លាំង ហើយដោយភ័យពេករូបខ្លួនក៏បានបោះប៊ីដុងសាំងចោលធ្វើឱ្យខ្ទាតទៅប៉ះឈ្មោះ ឡោះ យូរ ទេីបបណ្ដាលឱ្យឆេះទាំងពីរនាក់តែម្តង។
សមត្តកិច្ចនគរបាលមូលដ្ឋានសង្កាត់អូរតាវ៉ៅបានឱ្យដឹងថា ជនរងគ្រោះទាំងពីរនាក់ខាងលើ ត្រូវបានរថយន្តអ្នកភូមិដឹកយកទៅសង្គ្រោះនៅមន្ទីរពេទ្យបង្អែកខេត្តប៉ៃលិន៕
ដោយ៖ ស សារ៉េត
